Amal jak u Biełarusi. Z hetaha słavutaha futbolnaha kłuba źniali 10 bałaŭ
Fiederalny apielacyjny sud Italii vynies kančatkovy vierdykt.
U paniadziełak z turynskaha «Juvientusa» kančatkova źniali 10 bałaŭ, što adkinuła kłub pa-za zonu jeŭrakubkaŭ.
U studzieni ŭ «Juvientusa» zabrali 15 bałaŭ u čempijanacie Italii z-za finansavych machinacyj kiraŭnictva. Kłub padaŭ falšyvuju infarmacyju ab sumach tranśfieraŭ hulcoŭ, źmianšaŭ danyja ab tratach na štat i zarobkach supracoŭnikaŭ. Heta dazvoliła pavialičyć prybytak na 700 miljonaŭ jeŭra.
U krasaviku na čas razhladu apielajocyi 15 bałaŭ viarnuli, i «Juvientus» navat uźlacieŭ na 2-je miesca ŭ tablicy. Adnak spravu nie zakryli, razhlad praciahvaŭsia. Prakuratura prasiła źniać 11 bałaŭ, u vyniku ŭčora «Juvientus» pazbavili 10 bałaŭ. Na fonie naviny pra heta turyncy razhromna sastupili «Empoli» (1:4).
Za dva tury da finišu adstavańnie ad zony płej-of składaje piać bałaŭ (u «Juvie» ciapier 59 bałaŭ), ad Lihi kanfierencyj adzin bał. U vypadku traplańnia ŭ ŁČ z druhoha miesca turyncy zarabili b 67,6 miljona jeŭra, kali ž zastanucca na siomym miescy, atrymajuć tolki 5,6 miljona. Roźnica ŭ dachodach istotnaja.
Zrešty, situacyja nie takaja katastrafičnaja, jak u biełaruskim futbole, dzie za damoŭnyja matčy i stymulavańnie kłubaŭ z «Šachciora», «Enierhietyka» i «Biełšyny» źniali spačatku 30, 20 i 10 bałaŭ u hetym siezonie, 20, 10 i 5 bałaŭ u siezonie-2024, «Šachcior» i «Enierhietyk» pazbavili załatych i srebranych uznaharod u minułym siezonie.
A ŭčora kamitet pa kłubnym licenzavańni Biełaruskaj fiederacyi futboła pryniaŭ rašeńnie źniać z salihorskaha «Šachciora» jašče piać ačkoŭ, ź minskaha «Enierhietyka» — try, z babrujskaj «Biełšyny» — adno.
Ciapier čytajuć
Błohierka praviaraje čyściniu i jakaść praduktaŭ u minskich kramach. Padabajecca heta nie ŭsim1
Kamientary