ES choča nakłaści sankcyi na bolš za 90 kampanij z usiaho śvietu, jakija dapamahajuć Rasii
U adzinaccaty pakiet sankcyj, jaki ciapier raspracoŭvajuć krainy Jeŭrasajuza, budzie ŭklučana bolš za 90 kampanij z usiaho śvietu, jakija dapamahajuć Rasii abychodzić sankcyjnyja abmiežavańni. Pra heta staršynia Jeŭrakamisii Ursuła fon der Lajen raskazała niamieckamu vydańniu ZDF.
Ursuła fon der Lajen. Fota: Virginia Mayo / AP Photo
«U nas jość dakładnyja dokazy taho, što jany parušajuć sankcyi, to-bok pastaŭlajuć sankcyjnyja tavary ŭ Rasiju ź Jeŭrasajuza ŭ abychod praz trecija krainy, — skazała staršynia Jeŭrakamisii. — Siarod hetych bolš čym 90 kampanij kala vaśmi znachodzicca ŭ Kitai».
Kampanii, zarehistravanyja ŭ Kitai, isnujuć častkova na papiery i majuć ułaśnikaŭ inšaj nacyjanalnaści, adznačyła fon der Lajen, tamu Jeŭrasajuz maje namier dziejničać i suprać ich.
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny41
Kamientary