Bulba jašče zamiežnaja, ale chutka źjavicca i biełaruskaja.
U instahramie Kamaroŭskaha rynku źjaviłasia infarmacyja pra canu maładoj bulby. Za kiłahram pradaŭcy prosiać 3,99 rubla.
Bolš drobnaja — 5 rubloŭ. Pryvoziać jaje ŭ Biełaruś z Azierbajdžana. Ajčynnaja, havorać na Kamaroŭcy, źjavicca ŭ lepšym vypadku ŭ pačatku červienia, piša Blizko.by.
Kabački možna znajści pa 4 rubli za kiło. Bujnyja kaštujuć 5,99 rubla. Sakavitaja sałodkaja morkva (prynamsi, tak zajaŭlena na ceńniku) taksama kaštuje 3,99 rubla.
Pamidory na pryłaŭkach lažać pa 9,50—12,50 rubla. Maładaja cybula kaštuje 1 rubiel 50 kapiejek. A maładyja buraki jość pa 5,50 rubla.
Śviežyja ahuročki kaštujuć 8 rubloŭ za kiło. Za sto hram cybuli prosiać pa 1,20—1,50, špinatu — 1,10, ščaŭja i sałaty — 1,50 rubla.
Kamientary