Dziaciej u škołach prymušajuć hladzieć film «Zabojnaja pasyłka»
Zahad ab prahladzie pryjšoŭ źvierchu, nastaŭnikaŭ abaviazvajuć dasyłać fota ŭ znak paćviardžeńnia, raskazali «Našaj Nivie».
Na kłasnych hadzinach u siarednich škołach školnikaŭ prymušajuć hladzieć prapahandyscki film «Zabojnaja pasyłka» pra nibyta sprobu terakta na terytoryi Biełarusi na 9 Maja.
Zahad ab prahladzie pryjšoŭ źvierchu, nastaŭnikaŭ abaviazvajuć dasyłać fota ŭ znak paćviardžeńnia, raskazali «Našaj Nivie».
Film byŭ źniaty, imavierna, na zamovu Kamiteta dziaržaŭnaj biaśpieki, jaki zajaviŭ, što na 9 Maja ŭ Minsku rychtavalisia terakty. ANT pakazała, kaho zatrymali pa hetym abvinavačańni. Admietna, što ŭ filmie byli nie tolki kadry z dopytu moładzi, ale i «mastacka-ahitacyjny pradakšn» ad žurfaka.
Scenki, u jakich hrajuć žurfakaŭcy, takija: niejki pryjaciel u pierapiscy prosić studenta zabrać pasyłku, toj pahadžajecca; paśla maładych ludziej źbirajuć u zale žurfaka na prahlad prapahandysckaha filma ANT pra toje, jak heta moža być niebiaśpiečna zabirać nieviadomyja pasyłki ad znajomych z-za miažy, i jon pieradumvaje.
Hałoŭnuju rolu vykanaŭ 18-hadovy Ilja Mironaŭ. Chłopiec ź Minska, vučycca na 1-m kursie, śpiecyjalnaść «žurnalistyka (pa napramkach)». Jon vypusknik Liceja BDU.
Film, jak i inšaja anałahičnaja pradukcyja, vykarystoŭvajecca dla nahniatańnia varožaści da palityčnych praciŭnikaŭ i apraŭdańnia dyktatury i masavych palityčnych represij u krainie.
Masavyja palityčnyja represii ŭ Biełarusi praciahvajucca z 2020 hoda, kali Alaksandr Łukašenka, miarkujučy pa źviestkach z učastkaŭ, dzie vybarčyja kamisii dazvolili naziralnikam sačyć za padlikam hałasoŭ, prajhraŭ Śviatłanie Cichanoŭskaj, ale nie addaŭ uładu.
Z 2022 hoda, paśla napadu Rasii na Ukrainu, biełarusaŭ pačali pieraśledavać i za antyvajennyja vykazvańni abo simpatyi da Ukrainy.
Za hety čas u krainie adbyłosia nie mienš za 50 tysiač palityčna matyvavanych zatrymańniaŭ, zaviedziena nie mienš za 12 tysiač palityčna-kryminalnych spraŭ i adkinutyja bazavyja normy zakonnaści i marali.
Čamu Markaŭ nie Sałaŭjoŭ. Čym adroźnivajecca biełaruskaja i rasijskaja prapahanda
«Raptam hetyja ludzi vyjšli na vulicy pad svaimi simvałami i papularna ŭsim patłumačyli». Marzaluk raskazaŭ pra «amierykanizacyju» jabaciek
«Pieramoha Rasii ŭ SVA — heta i pieramoha Biełarusi». Ideołah Łukašenki raskryŭ jaho sapraŭdnyja płany pa Ukrainie
Ciapier čytajuć
Minčanka Anhielina, jakaja prasiła ŭ Łukašenki kvateru za trojniu, atrymała žyllo18
Kamientary