«Mnie było baluča ad hetaha». Protaijerej Lemiašonak pryznaŭ, što ŭ 2020 hodzie pramaŭlaŭ niapravilnyja propaviedzi
«Mnie Boh adkryŭ, što ja kazaŭ niapravilnyja rečy, palityčnyja rečy», — skazaŭ śviatar.
Protaijerej Andrej Lemiašonak zajaviŭ, što kazaŭ niapravilnyja propaviedzi ŭ 2020 hodzie.
«My ŭ carkvie sprabujem syści ad palityki. Ja mitrapalitu pra heta kazaŭ, što kali pačalisia chvalavańni 2020 hoda, ja niekalki razoŭ kazaŭ niapravilnyja propaviedzi. Mnie Boh adkryŭ, što ja kazaŭ niapravilnyja rečy, palityčnyja rečy. Mnie było baluča ad hetaha. Bolš ja nie rabiŭ tak nikoli», — skazaŭ śviatar na svajoj čarhovaj duchoŭnaj sustrečy «Aŭtorak z baciuškam» z prychadžanami, zaŭvažyŭ telehram-kanał «Chryścijanskaja vizija».
U 2020-m ajciec Lemiašonak vystupiŭ za Łukašenku, jon, naprykład, śćviardžaŭ, što mirnyja mitynhoŭcy byli nastolki ŭzbrojenyja, što było šmat achviar siarod siłavikoŭ ad ich napadaŭ.
U listapadzie protaijerej, adkazvajučy na pytańnie viernicy pra padziei ŭ krainie, pračytaŭ cełuju lekcyju pra škodu revalucyj. Pavodle jaho mierkavańnia, amapaŭcaŭ treba paškadavać, a maci źbitaha imi chłopca pavinna pakajacca, bo «drenna vychavała syna».
Zrešty «Chryścijanskaja vizija» raić nie ciešyć siabie iluzijami.
«Ale nie varta ciešyć siabie i siahońnia. Choć jon pryznaŭsia, što Boh jamu zabaraniŭ kazać pra palityku, prama na hetaj ža sustrečy jon praciahnuŭ heta rabić ź niamienšaj starannaściu. Jon zajaviŭ, što «mocnyja hetaha śvietu» śpiecyjalna vynajšli kavid-pandemiju, kab źniščyć pravasłaŭje. Ciapier z toj ža metaj jany arhanizavali vajnu va Ukrainie. Jon spakojna razvažaje, što raniej dumaŭ, što Pucin pradaŭ Danbas, kali nie abaraniaje jaho. A voś ciapier robić toje, što treba», — zaznačaje telehram-kanał.
Protaijerej Lemiašonak: Maci źbitaha AMAPam chłopca treba pakajacca, bo «drenna vychavała syna»
Sa Śviata-Jelizaviecinskaha manastyra pastupajuć sihnały pra karanavirus. Raskazvajem pra Andreja Lemiašonka, jaki stvaryŭ hetu impieryju
Śviatar Lemiašonak raskazaŭ, čamu jon molicca za rasijskaje vojska
Protaijerej Lemiašonak pachvaliŭ Łukašenku za padtrymku Rasii ŭ vajnie i nie tolki
Ciapier čytajuć
Łukašenku pasadzili na Paradzie ŭ Maskvie z Pašynianam, a Si Czińpina z Pucinym27
Łukašenku pasadzili na Paradzie ŭ Maskvie z Pašynianam, a Si Czińpina z Pucinym
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1515
Kamientary
a vy Biełaruscy dalej chadzicie da maskoŭskaj
"rpc" - KHB, nadavajcie dzieciam maskoŭskija imiony , i navučajcie dziaciej
na maskoŭskaj movie , lubicie dalej vorahaŭ maskoŭcaŭ