Partyja kamunistaŭ «Spraviadlivy śviet» budzie padavać dakumienty na pierarehistracyju
Takoje rašeńnie pryniaŭ plenum Centralnaha kamiteta partyi, jakuju časta nazyvajuć «partyjaj apazicyjnych kamunistaŭ».
Heta značyć, piša «Narodnaja Vola», partyja zdoleła nabrać i kolkaść členaŭ (5000 čałaviek), i kolkaść rehijanalnych struktur, dastatkovuju dla rehistracyi ŭ Miniuście.
Nahadajem, što ŭłady dali biełaruskim partyjam usiaho try miesiacy, kab prajści pierarehistracyju. Pry hetym umovy dla rehistracyi stali značna bolš žorstkimi. Tak, nieabchodnaja minimalnaja kolkaść členaŭ partyi pavialičanaja ŭ piać razoŭ — z tysiačy da piaci tysiač čałaviek.
U suviazi z hetym staršynia Partyi levych «Spraviadlivy śviet» (darečy, adzin ź niešmatlikich apazicyjnych lidaraŭ, što zastajucca ŭ Biełarusi) Siarhiej Kalakin u sakaviku zaklikaŭ biełarusaŭ ustupać u partyjnyja šerahi, bo vielmi važna, kab na palityčnym poli Biełarusi zastavałasia choć niejkaja alternatyva.
Raniej dakumienty na rehistracyju padała novastvoranaja «Biełaja Ruś», a na pierarehistracyju — praŭładnaja Partyja kamunistaŭ.
-
«U kałonii canili pieradačy prapahandystki Skabiejevaj». Były palitviazień Jaŭhien Mierkis raskazaŭ, jak vyžyvaŭ za kratami
-
Biełaruska atrymała polskuju vizu, ale nie pačała pa joj jeździć da zakryćcia miažy. Ci puściać jaje ciapier u ES?
-
17-hadovaja biełaruska, zatrymanaja za zapusk drona ŭ Varšavie, pryjechała ŭ Polšču ŭsiaho niekalki dzion tamu
Da «Dnia narodnaha adzinstva» pamiłavali 25 čałaviek4
Kamientary