Rasijskaje kiraŭnictva napałochana atakaj dronaŭ na Kreml i admianiła ŭračystaści 9 maja — brytanskaja raźviedka
Pa ŭsioj Rasii admienieny parady i śviatočnyja mierapryjemstvy z nahody Dnia Pieramohi ź mierkavańniaŭ biaśpieki, piša brytanskaja raźviedka ŭ svajoj tradycyjnaj štodzionnaj zvodcy.
U šaści rasijskich rehijonach i ŭ akupavanym Krymie śviatkavańni admienienyja całkam, jašče ŭ 21 horadzie ŭ inšych rehijonach krainy nie budzie parada.
U Maskvie parad, chutčej za ŭsio, adbudziecca, ale značna mienš maštabny, čym zvyčajna. Pryjom u Kramli, na jaki Uładzimir Pucin zvyčajna zaprašaje hanarovych haściej, vajskoŭcaŭ i vieteranaŭ, taksama admienieny. Apošni raz jon pravodziŭsia da pandemii ŭ 2019 hodzie.
Maršu «Nieśmiarotny połk» taksama nie budzie ni ŭ Maskvie, ni ŭ mnohich inšych haradach Rasii.
Ataka dronaŭ na Kreml usiaho za niekalki dzion da 9 maja pakazała, nakolki ŭraźlivaja Rasija, i vyklikała aściarohi rasijskaha kiraŭnictva za svaju biaśpieku padčas masavych śviatočnych mierapryjemstvaŭ, miarkujuć u Ministerstvie abarony Vialikabrytanii.
Taksama nie vyklučana, što, prymajučy pastanovu ab skasavańni ŭračystaściaŭ, rasijskija ŭłady ŭličvali patencyjnuju imaviernaść pratestaŭ i inšych formaŭ vykazvańnia narodnaj niezadavolenaści z nahody vajny va Ukrainie.
Ciapier čytajuć
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny26
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary