Расійскае кіраўніцтва напалохана атакай дронаў на Крэмль і адмяніла ўрачыстасці 9 мая — брытанская разведка
Па ўсёй Расіі адменены парады і святочныя мерапрыемствы з нагоды Дня Перамогі з меркаванняў бяспекі, піша брытанская разведка ў сваёй традыцыйнай штодзённай зводцы.
У шасці расійскіх рэгіёнах і ў акупаваным Крыме святкаванні адмененыя цалкам, яшчэ ў 21 горадзе ў іншых рэгіёнах краіны не будзе парада.
У Маскве парад, хутчэй за ўсё, адбудзецца, але значна менш маштабны, чым звычайна. Прыём у Крамлі, на які Уладзімір Пуцін звычайна запрашае ганаровых гасцей, вайскоўцаў і ветэранаў, таксама адменены. Апошні раз ён праводзіўся да пандэміі ў 2019 годзе.
Маршу «Несмяротны полк» таксама не будзе ні ў Маскве, ні ў многіх іншых гарадах Расіі.
Атака дронаў на Крэмль усяго за некалькі дзён да 9 мая паказала, наколькі ўразлівая Расія, і выклікала асцярогі расійскага кіраўніцтва за сваю бяспеку падчас масавых святочных мерапрыемстваў, мяркуюць у Міністэрстве абароны Вялікабрытаніі.
Таксама не выключана, што, прымаючы пастанову аб скасаванні ўрачыстасцяў, расійскія ўлады ўлічвалі патэнцыйную імавернасць пратэстаў і іншых формаў выказвання народнай незадаволенасці з нагоды вайны ва Украіне.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3737
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі37
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4545
Каментары