Piaskoŭ raspavioŭ pra reakcyju Pucina na ataku dronaŭ i abvinavaciŭ u joj ZŠA
Za ŭkrainskaj atakaj na Kreml stajać ZŠA, zajaviŭ pres-sakratar Pucina Dźmitryj Piaskoŭ.
«Takija sproby ad hetaha adchryścicca i ŭ Kijevie, i ŭ Vašynhtonie — jany, viadoma, śmiachotnyja absalutna. My dobra viedajem, što rašeńni ab takich dziejańniach i ab takich teraktach prymajucca nie ŭ Kijevie, a mienavita ŭ Vašynhtonie. A Kijeŭ užo vykonvaje toje, što jamu havorać rabić», — skazaŭ jon.
Adkazvajučy na pytańnie žurnalistaŭ pra toje, jak Uładzimir Pucin adreahavaŭ na ataku dronaŭ, Piaskoŭ skazaŭ: «Vy viedajecie, što prezident zaŭsiody ŭ takich składanych, ekstremalnych situacyjach zachoŭvaje spakoj, sabranaść, dakładnaść u acenkach, u kamandach, jakija jon razdaje. Tamu ŭ hetym płanie ničoha novaha nie adbyłosia».
Pavodle Piaskova, nichto z kiraŭnikoŭ inšych dziaržaŭ Pucinu paśla zdareńnia nie telefanavaŭ. Najbližejšym kantaktam Pucina z zamiežnych kiraŭnikoŭ, pavodle Piaskova, budzie prezident Kirhizii Sadyr Žaparaŭ na paradzie 9 Maja. Piaskoŭ skazaŭ, što Kreml rychtujecca da pryjezdu Žaparava.
-
Ruhinienie: Litva hatova razhledzieć zapyt ZŠA adnavić tranzit biełaruskich uhnajeńniaŭ, kali jon budzie
-
Kiraŭnik MZS Azierbajdžana paviedamiŭ pra «surjoznyja pytańni» da Maskvy praz zakryćcio spravy ab katastrofie łajniera AZAL
-
Zialenski dapuściŭ, što Tramp moža pryjechać va Ukrainu dla padtrymki płana mirnaha pahadnieńnia
Ciapier čytajuć
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary