Пяскоў распавёў пра рэакцыю Пуціна на атаку дронаў і абвінаваціў у ёй ЗША
За ўкраінскай атакай на Крэмль стаяць ЗША, заявіў прэс-сакратар Пуціна Дзмітрый Пяскоў.
«Такія спробы ад гэтага адхрысціцца і ў Кіеве, і ў Вашынгтоне — яны, вядома, смяхотныя абсалютна. Мы добра ведаем, што рашэнні аб такіх дзеяннях і аб такіх тэрактах прымаюцца не ў Кіеве, а менавіта ў Вашынгтоне. А Кіеў ужо выконвае тое, што яму гавораць рабіць», — сказаў ён.
Адказваючы на пытанне журналістаў пра тое, як Уладзімір Пуцін адрэагаваў на атаку дронаў, Пяскоў сказаў: «Вы ведаеце, што прэзідэнт заўсёды ў такіх складаных, экстрэмальных сітуацыях захоўвае спакой, сабранасць, дакладнасць у ацэнках, у камандах, якія ён раздае. Таму ў гэтым плане нічога новага не адбылося».
Паводле Пяскова, ніхто з кіраўнікоў іншых дзяржаў Пуціну пасля здарэння не тэлефанаваў. Найбліжэйшым кантактам Пуціна з замежных кіраўнікоў, паводле Пяскова, будзе прэзідэнт Кіргізіі Садыр Жапараў на парадзе 9 Мая. Пяскоў сказаў, што Крэмль рыхтуецца да прыезду Жапарава.
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары