«Kvartał-95 pieraihryvaje Kreml». Jak rasijskija i biełaruskija prapahandysty adreahavali na načnyja vybuchi ŭ Kramli
Jość i hnieŭ, i strach, i spraviadlivyja pytańni nakont taho, a ci nie źjaŭlajecca heta ŭsio pastanoŭkaj. Akramia hetaha, biełaruskija prapahandysty adkryta ździekujucca z Rasii.
Unačy z 2 na 3 maja Kreml byŭ atakavany nieviadomymi bieśpiłotnikami, jakija ŭzarvalisia pry padlocie da kupała Sienackaha pałaca (akurat u pałacy znachodzicca pracoŭny kabiniet Pucina).
Heta vyklikała masavaje abureńnie, hnieŭ i strach z boku rasijskich dziaržstruktur i praŭładnych miedyjaresursaŭ, jakija achryścili heta teraktam i sprobaj zamachu na Pucina (jaki ŭ toj momant, pa ich słovach, tam nie znachodziŭsia). U toj ža momant hučali i padazreńni nakont taho, a ci nie byŭ hety napad pastanoŭkaj, bo zanadta šmat jašče zastajecca niezrazumiełym.
Rasijskaja prapahanda: «Moža, zaraz usio pačniecca pa-sapraŭdnamu?»
Biełaruskaja prapahanda: «Heta ŭžo čyrvonaja linija ci jašče nie?»
Łukašenkaŭskija prapahandysty i resursy zbolšaha pierapoščvajuć rasijskich kaleh. Ale niekatoryja vyrašyli vykazacca sami i paździekavacca z Kramla i jaho čyrvonych linij.
Pra što nam heta ŭsio havoryć?
Pakul zastajecca niezrazumiełym, chto staić za atakaj na Kreml i ci nie było heta prosta insceniroŭkaj. Adnak užo možna skazać dakładna, što, niezaležna ad pieršapačatkovych met napadu, heta stała čarhovym i vielmi balučym udaram pa imidžy Rasii, jakaja pretenduje na rolu adnoj z vajennych zvyšdziaržaŭ.
Jašče lutaŭskaja dyviersija na biełaruskim aeradromie ŭ Mačuliščach nahladna pakazała, što Rasija nie zdolnaja ŭ naležnaj stupieni abaraniać svaje stratehičnyja abjekty dzie b tam ni było (ni ŭ Biełarusi, ni va Ukrainie, ni navat u Maskvie).
Načnyja vybuchi ŭ Kramli asablivyja tym, što adbyvajucca adnačasova sa šmatlikimi ŭvarvańniami ŭkrainskich bieśpiłotnikaŭ u rasijskuju pavietranuju prastoru razam z dyviersijami na rasijskich abjektach na akupavanaj ukrainskaj terytoryi i ŭ samoj Rasii. Padčas adnoj z takich dyviersij byŭ niadaŭna padarvany ŭčastak rasijskaj čyhunki razam ź biełaruskim čyhunačnym sastavam.
Heta ž źjaŭlajecca čarhovym sihnałam i dla režymu Łukašenki, jaki aścierahajecca pomsty z boku Ukrainy za vajnu i adnačasova prosić dla siabie harantyj biaśpieki z boku Rasii — krainy, jakaja nie moža zabiaśpiečyć abaronu svaich ułasnych stratehičnych abjektaŭ.
Biełaruskija pamiežniki palavali na bieśpiłotnik i ledź sami siabie nie pierastralali VIDEA
«Usio značna horš». Rasijskija Z-kanały ŭ jaraści ad videa z dronam u Mačuliščach
«13:00 uziaćcie Kijeva. 18:00 kancert Hazmanava». Stenahrama i chranałohija taho, što biełaruskija prapahandysty ŭ ekstazie pisali 24—25 lutaha 2022 hoda
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»4
Kamientary