Samalot u Mačuliščach atakavali dvuma dronami biełarusy, udzielniki płana «Pieramoha» — Azaraŭ
Kiraŭnik abjadnańnia Bypol Alaksandr Azaraŭ paviedamiŭ «Biełsatu», što rasijski samalot A-50 u Mačuliščach atakavali z pavietra. Napad z dapamohaj dronaŭ učynili ŭdzielniki płana «Pieramoha», jany ciapier u biaśpiecy.
Raniej Azaraŭ paćvierdziŭ «Našaj Nivie», što dyviersiju ŭčynili biełarusy.
«Heta byli drony. Udzielniki apieracyi ciapier užo ŭ biaśpiecy za miežami krainy. Usie vyjechali, chaj ciapier šukajuć vietru ŭ poli», — skazaŭ Azaraŭ «Biełsatu».
Jon paviedamiŭ, što apieracyju rychtavali niekalki miesiacaŭ.
Infarmacyju pra dva drony paćviardžaje i «Biełaruski Hajun». Kanał taksama dadaje, što siłaviki Łukašenki znajšli sumku z pultami kiravańnia dronami.
Nahadajem, rankam kala 9-j ranicy na aeradromie byli čutnyja dva vybuchi. Paviedamlałasia, što paciarpieŭ vielmi kaštoŭny rasijski samalot dalniaj raźviedki DRŁV A-50, jon byŭ padarvany ŭ dvuch miescach. Usiaho takich samalotaŭ u Rasii, sapraŭdnych i niaspraŭnych, dzieviać. Jon vykarystoŭvaŭsia dla naviadzieńnia rasijskich rakiet na celi va Ukrainie.
Čytajcie padrabiaźniej:
«Bajpoł»: Samalot DRŁV A-50 byŭ padarvany ŭ dvuch miescach, jany pakazanyja na fota
Hajun: Na aeradromie Mačuliščy moh być paškodžany miehakaštoŭny rasijski samalot A-50. Z čata Mačuliščaŭ vydalili ŭsie paviedamleńni
Žonka Hałyhina adśviatkavała pad Minskam dzień naradžeńnia ŭ ruskim styli — u kakošniku i z tortam-matroškaj ŠMAT FOTA21
Žonka Hałyhina adśviatkavała pad Minskam dzień naradžeńnia ŭ ruskim styli — u kakošniku i z tortam-matroškaj ŠMAT FOTA
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach1515
Kamientary