«Was suchst du, Wolf?» Raman Jevy Viežnaviec zachoplena prezientavali na Lejpcyhskim knižnym kirmašy
Kniha, jakaja ŭ 2021 hodzie adznačana premijaj Ježy Hiedrojca, ciapier dastupnaja i dla niamieckamoŭnaha čytača.
Prezientacyja knihi «Was suchst du, Wolf?» adbyłasia 28-29 krasavika ŭ Bierlinie i Lejpcyhu ŭ ramkach Lejpcyhskaha knižnaha kirmašu. Na niamieckaj movie raman byŭ vydadzieny vydaviectvam «Paul Zsolny» u Vienie.
Jak adznačajecca ŭ infarmacyi pra mierapryjemstva, «u svaim karotkim ramanie biełaruskaja piśmieńnica Jeva Viežnaviec, jakaja ciapier žyvie ŭ Varšavie, dazvalaje XX stahodździu začapić kryłom usich svaich žorstkaściaŭ i stavić pomnik upeŭnienaści cełaha pakaleńnia žančyn u tym, što žyćcio budzie praciahvacca navat na vypalenaj ziamli».
U recenzii na niamieckamoŭnaje vydańnie knihi Fieliks Akierman adznačaje, što Jeva Viežnaviec, jakaja stvaryła «epachalnaje vymiareńnie biaskoncaha XX stahodździa» vymušana była pakinuć Biełaruś, bo
«za stvorany ŭ ramanie supiarečlivy malunak savieckich partyzan jak pjanic, hvałtaŭnikoŭ i babnikaŭ u Biełarusi joj pahražała b turma».
Žurnalist i piśmieńnik, daśledčyk biełaruskaj muzyki i kultury Inha Pietc adnosna ramana zaŭvažaje: «Hety tvor bje mołatam …. Niahledziačy na ŭsiu svaju žorstkaść, jon vielmi paetyčny. Viežnaviec udajecca zrabić hety čas aburalnych uzrušeńniaŭ i zmroku nastolki jarkim u karotkich epizodach, u skandensavanaj movie, nastolki napoŭnienym histaryčnymi padrabiaznaściami, što ŭ čytača kružycca hałava ad takoha ścisnutaha padarožža ŭ časie…. Mahutnaja danina pavahi biełaruskim žančynam, ich sile i žyćciovaj ciahavitaści».
U ramkach prezientacyi ŭ Bierlinie adbyłasia sustreča nie tolki z aŭtarkaj, ale i z Śviatłanaj Aleksijevič. Ź joju a taksama hałoŭnym redaktaram vydaviectva «Pflambaŭm» Alenaj Kazłovaj i piśmieńnicaj Jevaj Viežnaviec abmiarkoŭvałasia pytańnie ab tym, u jakoj stupieni vydavieckaja i kulturnaja praca ŭ Biełarusi ŭvohule mahčymaja va ŭmovach katastrafičnych represij.
Čytajcie jašče:
Vyjšła na papiery kniha Alhierda Bachareviča «Płošča Pieramohi»
-
70‑hadovy piensijanier vydaŭ svoj pieršy raman sam. «Tea z Hołdena» staŭ biestseleram
-
«Dom, u jakim…» Maryjam Pietrasian — raskazvajem pra kultavuju dla pakaleńnia 2010‑ch knihu-biestsieler, jakuju pierakłali na biełaruskuju movu
-
Abvieščany doŭhi śpis naminantaŭ na premiju imia Ježy Hiedrojcia za najlepšuju biełaruskuju knihu 2025 hoda
Ciapier čytajuć
Biełarusaŭ pa viartańni damoŭ na miažy ŭsio čaściej raździavajuć dahała8
Biełarusaŭ pa viartańni damoŭ na miažy ŭsio čaściej raździavajuć dahała
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2626
Kamientary