Na prodaž u minskaj Hrušaŭcy vystavili vialiki katedž — byłoje pasolstva
Siarod šmatpaviarchovikaŭ-novabudoŭlaŭ u Hrušaŭcy zachavaŭsia vialiki katedž, jaki, darečy, nie pryhavorany da znosu. Raniej u im było pasolstva Sierbii, a ciapier jaho vystavili na prodaž, piša realt.by.
Katedž znachodzicca na vulicy Razinskaj, 66a. Amal z usich bakoŭ jaho atačajuć šmatpaviarchoviki.
Raniej u hetym katedžy było pasolstva Sierbii, ale potym jano pierajechała ŭ rajon płoščy Pieramohi. Nieviadoma, ci žyŭ chtości hetym budynku potym, ale niadaŭna jaho vystavili na prodaž.
Jon trochpaviarchovy i cahlany. Jaho pabudavali ŭ 1995 hodzie. Ahulnaja płošča — 392 kvadratnyja mietry.
U domie try pavierchi i jašče cokalny.
Na pieršym paviersie znachodziacca kuchnia i stałovaja, a taksama dva žyłyja pakoi i sanvuzieł.
Na druhim paviersie znachodziacca try pakoi, kładoŭka i sanvuzieł.
Na trecim paviersie — adzin vialiki žyły pakoj z kaminam, spalnia, kładoŭka i sanvuzieł.
U padvale raźmiaščajecca kacielnia, dźvie pralni i dźvie kładoŭki. Aciapleńnie hazavaje, kanalizacyja i vodapravod centralnyja.
Učastak — 8 sotak. U dvary jość altanka z manhałam.
Ziamla znachodzicca ŭ pažyćciovym spadčynnym vałodańni. Metavaje pryznačeńnie ŭčastka — dla absłuhoŭvańnia adnakvaternaha žyłoha doma.
Darečy, u 2013 hodzie hety dom pryhavaryli da znosu, ale ŭ 2015-m hodzie hetaje rašeńnie Minharvykankama admianili. Tamu pakul jamu ničoha nie pahražaje.
Za katedž prosiać 320 tysiač dalaraŭ.
Ekśpiert: košt kvadratu ŭ novabudoŭlach stalicy dasiahnuŭ stoli
«Susiedstva z zamožnymi i kulturnymi ludźmi». Jakija katedžy z basiejnam i łaźniaj pradajucca ŭ vakolicach Minska
U Minsku pradajecca idealnaja kvatera dla tych, chto sumuje pa SSSR. Vid z akna — na manumient Pieramohi, mebla — vintažnaja
Aryštavany dyrektar Pałaca Respubliki, adzin z arhanizataraŭ Marafona adzinstva9
Kamientary
Intieriesno skolko💵nužno dla žiźni?(popiaťsot nie priedłahať).