Za paŭtara hoda biełarusaŭ, jakija pracujuć u Polščy, stała bolej amal u dva razy
Jak pakazvaje statystyka, cikavaść da pracy ŭ Polščy z boku biełarusaŭ praciahvaje raści. Tolki za apošnija paŭhoda, tam dadałosia 17,5 tysiačy aficyjna pracaŭładkavanych hramadzian Biełarusi. Pa dynamicy pryrostu biełarusy zajmajuć pieršaje miesca.
Popyt na pracu z boku biełarusaŭ raście
Pa stanie na sakavik 2023 hoda, u Polščy aficyjna pracuje kala 116 tysiač hramadzian Biełarusi. Takija danyja pryvodzić polski ZUS (anałah biełaruskaha FSAN). Jašče paŭhoda tamu ŭ Polščy aficyjna pracavała krychu mienš za 100 tysiač hramadzian Biełarusi. A pa stanie na kaniec 2021 hoda takich było ŭsiaho 67,7 tysiačy.
Ahułam za paŭhoda ličba pracaŭładkavanych u Polščy inšaziemcaŭ vyrasła bolš čym na 28 tysiač, ź jakich 17,5 tysiačy mieli biełaruskaje hramadzianstva. Z hetych danych vynikaje, što pryrost kolkaści zamiežnych hramadzian, jakija pracujuć u Polščy, u pieršuju čarhu adbyvajecca za košt biełarusaŭ.
Sastupajem tolki ŭkraincam, ale…
Pa stanie na sakavik biahučaha hoda u polskim ZUS było zarehistravana 1 073 366 pracujučych inšaziemcaŭ. Biełarusy ŭ hetym śpisie zajmajuć druhoje miesca, sastupajučy tolki hramadzianam Ukrainy, jakija skaładajuć 69% ad ahulnaj kolkaści aficyjna pracaŭładkavanych zamiežnikaŭ.
Pry hetym, jak pakaźvie statystyka, kolkaść ukraincaŭ, jakija pracujuć u Polščy, zastajecca stabilnaj i navat krychu skaračajecca. Kali ŭ vieraśni 2022 hoda ŭ Polščy pracavali 744,4 tysiačy ŭkraincaŭ, to ŭ sakaviku 2023-ha ich ličba skaraciłasia da 741,9 tysiačy.
Biełarusy jeduć u Polšču nie tolki na zarobki, ale i na PMŽ
Ab tym, što našy hramadzianie aktyŭna źjazdžajuć u Polšču nie tolki na zarobki, śviedčyć i inšaja statystyka. Tak, naprykład, pa vynikach minułaha hoda biełarusy zaniali treciaje miesca siarod inšaziemcaŭ, jakija nabyli nieruchomaść u Polščy. U hetym rejtynhu my sastupili tolki ŭkraincam i niemcam.
Ahułam za 10 miesiacaŭ minułaha hoda zamiežniki nabyli ŭ Polščy 9900 kvater. Ź ich 4275 — hramadzianie Ukrainy, 1118 — hramadzianie Hiermanii i 889 kvater nabyli biełarusy. Cikava, što na čaćviortym miescy siarod zamiežnych pakupnikoŭ nieruchomaści ŭ Polščy akazalisia rasijanie. Hramadzianie RF letaś kupili tam 276 kvater.
«Naša Niva» — bastyjon biełaruščyny
PADTRYMAĆAd 4 da 14 jeŭra za hadzinu na ruki. Jakuju pracu prapanujuć biełarusam u ES
Letaś biełarusy ŭ Polščy adkryli amal u 4 razy bolš firm, čym u 2020-m. Čym tam zajmajucca biełaruskija biznesoŭcy
Kamientary