Etnakanfiesijnaja palityka, što pravodzicca ŭ krainie, źjaŭlajecca załoham hramadzianskaha miru i zhody ŭ hramadstvie.
Pra heta zajaviŭ Alaksandr Łukašenka siońnia na sustrečy z pradstaŭnikami relihijnych kanfiesij — udzielnikami mižnarodnaj kanfierencyi «Chryścijanska‑iudziejski dyjałoh: relihijnyja kaštoŭnaści jak asnova ŭzajemapavahi ŭ hramadstvie va ŭmovach hłabalnaha ekanamičnaha kryzisu».
Kiraŭnik dziaržavy adznačyŭ, što ŭ sučasnych umovach vielmi važna nie raspalvańnie mižkanfiesijnaj varožaści, a aktyŭnaje raźvićcio plonnaha dyjałohc. «I vy, lidery relihijnych ruchaŭ, pakazvajecie prykład dobrasusiedstva nie tolki viernikam, ale i palitykam, usim ludziam dobraj voli», — skazaŭ Łukašenka.
Jon vykazaŭ upeŭnienaść, što praviadzieńnie ciapierašniaj kanfierencyi dapamoža ludziam lepš zrazumieć adzin adnaho, danieści da hramadstva kaštoŭnaść ułasnaj relihijnaj kultury i prademanstravać hatoŭnaść da dyjałoha.
«Vopyt Biełarusi ŭ spravie pabudovy raŭnapraŭnych, družalubnych adnosin pradstaŭnikoŭ roznych vieravyznańniaŭ budzie cikavy i karysny inšym krainam,
— ličyć Alaksandr Łukašenka. — My zaŭsiody adkryty dla vas, na našaj ziamli vy možacie adčuvać siabie jak doma. Ščyra spadziajusia, što ciepłynia i haścinnaść biełaruskaha naroda pakinuć u vas samyja pryjemnyja ŭspaminy».
Mižnarodnaja navukovaja kanfierencyja «Chryścijanska‑iudziejski dyjałoh: relihijnyja kaštoŭnaści jak asnova ŭzajemapavahi ŭ hramadzianskim hramadstvie va ŭmovach hłabalnaha ekanamičnaha kryzisu» prachodzić u Minsku 9‑11 listapada. Inicyjatyva praviadzieńnia naležyć Biełaruskaj pravasłaŭnaj carkvie.
Ciapier čytajuć
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniaja ŭciečka była ŭ 2026-m, a zasnavalniki — rasijanie25
Kamientary