Alejnik zajaviŭ u Vienhryi, što ličyć vinavatymi ŭ vajnie «ZŠA i ich satelitaŭ»
Ministr zamiežnych spraŭ Biełarusi Siarhiej Alejnik zrabiŭ zajavu, jakoj pierakłaŭ vinu za vajnu, što ŭžo bolš za hod idzie va Ukrainie, z Rasii, jakaja jaje raźviazała, na «ZŠA i jaje satelitaŭ». Zrabiŭ jon heta na terytoryi krainy Jeŭrasajuza — Vienhryi, u jakoj znachodziŭsia z pracoŭnym vizitam.
«My nie mahli siońnia abyści ŭvahaj temu Ukrainy, susiedniaj dla abiedźviuch našych krain. I my ličym składanymi i kompleksnymi pryčyny pačatku kanfliktu.
My pierakananyja, što situacyja spravakavana i raździmajecca namahańniami ZŠA i ich satelitaŭ. Jany atrymlivajuć ad hetaha prybytak, dyvidendy i pieravahi, a ŭsie astatnija niasuć vydatki. Biełaruś i Vienhryja na baku miru»,
— zajaviŭ Siarhiej Alejnik pa vynikach praviedzienaha ŭ Budapiešcie pasiadžeńnia biełaruska-vienhierskaj mižuradavaj kamisii pa ekanamičnym supracoŭnictvie.
Vienhryja — najbolš pryjaznaja da Maskvy kraina Jeŭrasajuza, jaje kiraŭnictva amal zaŭsiody zajmaje asablivuju pazicyju ŭ dačynieńni da pucinskaha i łukašenkaŭskaha režymaŭ. Dziakujučy hetaj pazicyi, Jeŭrasajuz časta sutykajecca z prablemami pry ŭviadzieńni sankcyj i inšych abmiežavańniaŭ suprać Rasii i Biełarusi i zaćviardžeńni pakietaŭ dapamohi Ukrainie.
Ciapier čytajuć
«Narod pavinien na hetu ŭładu malicca». Łukašenka patrabuje, kab paśla armii chłopcy viartalisia stroha na raniejšyja miescy pracy18
«Narod pavinien na hetu ŭładu malicca». Łukašenka patrabuje, kab paśla armii chłopcy viartalisia stroha na raniejšyja miescy pracy
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami77
Kamientary