«Iržavy most» cieraź Śvisłač u Minsku znoŭ adkryli dla karystańnia
U pačatku lutaha źjavilisia paviedamleńni, što «Ržavy most» cieraź Śvisłač znoŭ zakryli. Tady vyśvietliłasia, što ŭsia sprava ŭ budoŭli haścinicy Hilton pa susiedstvie. U vyniku most byŭ dziŭnym sposabam nie asabliva nadziejna zabłakavany «ŭ metach biaśpieki». Ale, zdajecca, ciapier pa im užo dakładna možna chadzić, piša CityDog.io.
Uźviadzieńnie mosta ad vulicy Zybickaj da byłoj druhoj haradskoj balnicy było zapłanavana ŭ ramkach budaŭnictva hatela Hilton. Užo na etapie prajektavańnia da jaho prylapiłasia nazva «Ržavy», bo aharodža vykanana z kartenavaj stali, koler jakoj nahadvaje ržu.
Most atrymaŭsia davoli stromkim pa ŭzdymie, kab haradskija słužby mahli čyścić pojmu Śvisłačy i spakojna prajazdžać pad mostam. Adkryli jaho ŭ siaredzinie kastryčnika 2022 hoda, ale ŭžo litaralna praź niekalki dzion prachod pa moście pierakryli na čas budaŭniča-mantažnych rabot hatela pa susiedstvie. Potym most pracavaŭ jašče niejki čas, a ŭ lutym hetaha hoda na jaho znoŭ stała nielha zachodzić, i znoŭ pa toj samaj pryčynie.
Ciapier ža ŭsie aharodžy prybranyja, a pa «Ržavym moście», zdajecca, znoŭ možna bieśpieraškodna pierachodzić Śvisłač.
Ciapier čytajuć
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary