Užo niekalki tydniaŭ čytačy CityDog.io paviedamlali ŭ redakcyju, što «Iržavy most» praź Śvisłač iznoŭ zakryty. Vydańnie pravieryła — sapraŭdy akazałasia tak.
Uźviadzieńnie mosta ad Zybickaj da byłoj druhoj haradskoj balnicy było zapłanavana ŭ ramkach zabudovy hatela Hilton, jaki źjaviŭsia na miescy byłoj balnicy ŭ ścienach Trajeckaha manastyra bazyljanak.
Na etapie prajektavańnia kampanijaj Varabyeu Partners da hetaha mosta adrazu prylapiłasia nazva «iržavy»: aharodža vykanana z kartenavaj stali, koler jakoj nahadvaje ržu. Nasamreč materyjał nie stary, i, jak raspaviadali śpiecyjalisty, jaho pavinny pakryć admysłovym rečyvam, dziakujučy jakomu stal nie budzie padviarhacca karozii, a kanstrukcyi ź jaje nie buduć pakidać razvodaŭ i padciokaŭ.
Adkryli most u siaredzinie kastryčnika minułaha hoda i praź niekalki dzion prachod pa im čamuści zakryli. Praź miesiac u aficyjnym tvitar-akaŭncie administracyi Centralnaha rajona Minska vyrašyli rastłumačyć, što ž zdaryłasia. Pa słovach uładaŭ, most pierakryli na čas budaŭniča-mantažnych rabot «pa ŭładkavańni naviasnych kanstrukcyj», jakija pavinny byli skončyć da 25 listapada.
Potym most pracavaŭ jašče niejki čas, ale ciapier kažuć, što prachod pa im znoŭ zakryty — i znoŭ biez aficyjnaha tłumačeńnia pryčyn.
Hetym razam vyśvietliłasia, što ŭłady čarhovy raz zakryli most z-za budaŭnictva hatela. Zakryli, praŭda, tak, što haradžanie spakojna adsoŭvajuć aharodžu, kab prajści na druhi bierah. Choć rabić heta niebiaśpiečna, bo ŭ rajonie budoŭli pastaŭlenyja budaŭničyja krany i pastajanna viaducca raboty. Dy i taja samaja «naviasnaja kanstrukcyja», z-za ŭstanoŭki jakoj most zakryli pieršy raz, vyhladaje davoli žachliva.
Nijakich papieradžalnych nadpisaŭ ab niebiaśpiecy abo terminach praviadzieńnia rabot na ich miescy zaŭvažana nie było. Jak i kantaktnaj infarmacyi, chto hetuju budoŭlu kantraluje.
Čytajcie taksama:
Kvatera — 900€, manikiur — 20€, stryžka — 50€. Biełaruska zachrasła na Kanarskich astravach z-za vajny va Ukrainie i raskazvaje, kolki kaštuje tam žyć
«Praź miesiac paśla pakupki nam uručyli rašeńnie ab znosie». Jak žyvie pryvatny siektar na Biady ŭ Minsku
-
Kažuć, Polšča dabiłasia najbolšaha prahresu ŭ śviecie pa biaśpiecy dla ŁHBT-padarožnikaŭ. A dzie ŭ rejtynhu Biełaruś?
-
Rastvaryć i zmyć u kanalizacyju: u śviecie nabiraje papularnaść technałohija «vodnaj kremacyi» pamierłych
-
Na Čyhirynskim vadaschoviščy rybaki zamiest ryby dastali z vady toje, čaho zusim nie čakali
Ciapier čytajuć
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»2
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary