Łukašysty pakazali videa, dzie vyjaŭlena, jak «radykały» spalili pravasłaŭny chram va Ukrainie. Nasamreč, hetaja carkva zhareła 10 hadoŭ tamu ŭ Rasii
Łukašenkaŭskija prapahandysty vydali pažar u pravasłaŭnym chramie rasijskaha siała Iljinka Astrachanskaj vobłaści 10-hadovaj daŭniny za padpał «ukrainskimi radykałami» pravasłaŭnaj carkvy ŭ siale Novapałtaŭka Mikałajeŭskaj vobłaści Ukrainy, piša vydańnie «Zierkało».
Adnatypnyja fejki pra «padpał» chrama źjavilisia 5 krasavika ŭ telehram-kanałach Ahienctva telenavin, Ryhora Azaronka, telekanała ANT i ŭ inšych praŭładnych krynicach. Ale dadumalisia jany da hetaha nie sami: da łukašenkaŭskich prapahandystaŭ infarmacyja pieravandravała z prakramloŭskich ŚMI.
«Va Ukrainie praciahvajuć hanieńni na pravasłaŭnych, — paviedamiŭ telekanał ANT u publikacyi na svaim sajcie ad 6 krasavika. — Spaleny čarhovy pravasłaŭny chram. Hetym razam u siale Novapałtaŭka Mikałajeŭskaj vobłaści».
«Ahniom źniščanaja pravasłaŭnaja carkva ŭ siale Novapałtaŭka», — publikuje fejk hazieta administracyi Łukašenki «SB. Biełaruś siehodnia».
Usie naviny, jakija raspaŭsiudžvali łukašenkaŭskija prapahandysty, ilustravalisia videa, jakoje nibyta było źniataje niepasredna ŭ Novapałtaŭcy.
Rolik hety — realny. Carkva sapraŭdy hareła, ale nie ŭ 2023 hodzie, a ŭ 2013-m. I nie va ŭkrainskaj Novapałtaŭcy, a ŭ rasijskaj Iljincy. Infarmacyju paćvierdziŭ i ŭkrainski Centr stratehičnaj kamunikacyi i infarmacyjnaj biaśpieki.
Darečy, carkva ŭ Iljincy zhareła daščentu.
Hety chram byŭ pabudavany jašče ŭ XIX stahodździ. U im zachoŭvałasia mnostva śviatyń, uklučajučy cudatvorny miratačyvy abraz Usich zasmučanych radaść, na jakoj vyjaviŭsia vobraz Božaj Maci, pisała «Kamsamolskaja praŭda».
A z carkvoj u Novapałtaŭcy ŭsio ŭ paradku. I jana zusim nie padobnaja na chram u Iljincy.
Čytajcie taksama:
Ciapier čytajuć
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu12
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary