Prezident Litvy acenić abmiežavańni dla hramadzian RF i Biełarusi: Sankcyi pavinny być adnolkavymi
Prezident Hitanas Naŭsieda praanalizuje, ci praduhledžvaje pryniaty ŭ aŭtorak Siejmam zakon ab abmiežavalnych mierach dla hramadzian Rasii i Biełarusi roŭnyja ŭmovy dla abiedźviuch krain-ahresaraŭ, zajaviŭ daradca kiraŭnika dziaržavy Rydas Jasiulenis, piša Delfi.lt.
«Prezident praanalizuje pryniaty Siejmam zakon mienavita z punktu hledžańnia taho, nakolki jon padzialaje hramadzian Rasii i Biełarusi i ich pravy», — skazaŭ R. Jasiulenis.
Daradca prezidenta taksama adznačyŭ, što kiraŭnik krainy prytrymlivajecca pazicyi, zhodna ź jakoj i Rasija, i Biełaruś źjaŭlajucca ahresarami, i tamu da ich pavinny prymianiacca adnolkavyja ŭmovy.
«Tamu što prezident, jak kiraŭnik krainy, jaki pradstaŭlaje litoŭskuju dziaržavu ŭ śviecie, pierakonvaje svaich partnioraŭ u tym, što i Rasija, i Biełaruś źjaŭlajucca ahresarami i što sankcyi na mižnarodnym uzroŭni pavinny prymianiacca ŭ roŭnaj stupieni da abodvuch ahresaraŭ. U suviazi z hetym taki ž pryncyp pavinien vykonvacca i ŭ nacyjanalnym zakanadaŭstvie», — padkreśliŭ daradca kiraŭnika krainy.
U aŭtorak Siejm pryniaŭ abmiežavalnyja miery ŭ dačynieńni da hramadzian Rasii i Biełarusi. «Za» prahałasavali 76 deputataŭ Siejma, suprać — 13, ustrymalisia 34 deputaty. I ŭsio ž Siejm vyrašyŭ admovicca ad abmiežavańniaŭ, źviazanych z pradstaŭleńniem hramadzianstva hramadzianam Rasii i Biełarusi.
Daradca prezidenta Litvy pra abmiežavańni dla biełarusaŭ: Padčas vajny heta nieabchodna
Ofis Cichanoŭskaj prakamientavaŭ novy zakon, jaki mohuć pryniać pa biełarusach u Litvie
Łatvija «pa techničnych pryčynach» zakryła miažu ź Biełaruśsiu12
Kamientary