Litoŭski siejm pryniaŭ niekatoryja abmiežavańni suprać hramadzian Biełarusi i Rasii, ale jany nieistotnyja

Prajekt zakona ab abmiežavalnych mierach u suviazi z vajennaj ahresijaj suprać Ukrainy byŭ zaklikany na hod zrabić bolš žorstkim paradak vydačy dazvołaŭ na pastajannaje abo časovaje pražyvańnie, paradak vydačy viz, uviadzieńnie zabarony na pieramiaščeńnie hramadzian Rasii praź źniešniuju miažu Jeŭrapiejskaha sajuza (za vyklučeńniem vypadkaŭ, kali jany adpaviadajuć ustanoŭlenym Litvoj patrabavańniam).

Adnak paśla abmierkavańniaŭ u Kamitecie Siejma pa nacyjanalnaj biaśpiecy i abaronie było pryniataje rašeńnie pakinuć bieź źmienaŭ paradak vydačy dazvołu na žycharstva hramadzianam Biełarusi.

Taksama prapanoŭvałasia ŭvieści abmiežavańni, źviazanyja z paradkam pryjomu hramadzian Rasii i Biełarusi ŭ hramadzianstva Litvy. Adnak Siejm vyrašyŭ admovicca ad hetaha pałažeńnia. U pravavych aktach praduhledžvajecca ŭzmacnieńnie žorstkaści prava hramadzian Rasii na nabyćcio nieruchomaści ŭ Litvie.

Vyklučeńni zakranuć tolki rasijan, jakija majuć pastajanny dazvoł na žycharstva abo nabyvajuć nieruchomaść u krainie ŭ paradku atrymańnia ŭ spadčynu.

Praduhledžvajucca abmiežavańni, źviazanyja z nadańniem statusu elektronnaha rezidenta, — paśla pryniaćcia papravak da zakona budzie anulavanaje dziejańnie elektronnaj identyfikacyi i elektronnaha podpisu hramadzian Rasii i Biełarusi. Vyklučeńni buduć dziejničać u dačynieńni da asob, jakija majuć dazvoł na žycharstva ŭ Litvie — časovy ci pastajanny.

Taksama ŭvodziacca abmiežavalnyja miery na ŭvoz i vyvaz ukrainskich hryŭniaŭ z krainy. Termin dziejańnia hetych abmiežavalnych mier —adzin hod z dnia ŭstupleńnia zakona ŭ siłu, h. zn., z 3 maja 2023 h. da 2 maja 2024 h., adnak urad maje prava padoŭžyć terminy, kali ŭźniknie nieabchodnaść u takim rašeńni.

Niekatoryja z hetych nacyjanalnych sankcyj u Litvie dziejničajuć i ciapier, ale meta zaklučajecca ŭ tym, kab pieranieści ich u asobny zakon i nie źviazvać vyklučna z nadzvyčajnym stanoviščam.

Udakładnieńnie. U pieršasnym varyjancie hetaha artykuła pamyłkova śćviardžałasia, što «Praduhledžvajucca abmiežavańni, źviazanyja z nadańniem statusu elektronnaha rezidenta, — paśla pryniaćcia papravak da zakona budzie anulavanaje dziejańnie elektronnaj identyfikacyi i elektronnaha podpisu hramadzian Rasii i Biełarusi. Vyklučeńni buduć dziejničać tolki ŭ dačynieńni da asob, jakija majuć pastajanny dazvoł na žycharstva ŭ Litvie».

Pravilna: «Praduhledžvajucca abmiežavańni, źviazanyja z nadańniem statusu elektronnaha rezidenta, — paśla pryniaćcia papravak da zakona budzie anulavanaje dziejańnie elektronnaj identyfikacyi i elektronnaha podpisu hramadzian Rasii i Biełarusi. Vyklučeńni buduć dziejničać tolki ŭ dačynieńni da asob, jakija majuć pastajanny ci časovy dazvoł na žycharstva ŭ Litvie».

Abmiežavańni dla biełarusaŭ i rasijan u Litvie płanujuć pakinuć u sile, ale nie ŭsie

Daradca prezidenta Litvy pra abmiežavańni dla biełarusaŭ: Padčas vajny heta nieabchodna

Ofis Cichanoŭskaj prakamientavaŭ novy zakon, jaki mohuć pryniać pa biełarusach u Litvie

• 2
• 0
• 1
• 3
• 1
• 1
• 7
• 0