Urad Ukrainy pačaŭ denansacyju damovy ź Biełaruśsiu ab piensijnym zabieśpiačeńni
Kabiniet Ministraŭ Ukrainy ŭchvaliŭ prajekt zakona, jaki praduhledžvaje denansacyju damovy ź Biełaruśsiu ab harantyjach praŭ hramadzian u śfiery piensijnaha zabieśpiačeńnia.
Hetuju damovu padpisali ŭ Kijevie 14 śniežnia 1995 hoda. Dakumient rehuluje pytańnie dziaržaŭnaha piensijnaha zabieśpiačeńnia hramadzian, jakija pastajanna žyli abo pierajechali na pastajannaje pražyvańnie ŭ krainy-padpisanty.
U pryvatnaści, havorka išła ab naličeńni piensij pa ŭzroście, pa invalidnaści, za vysłuhu hadoŭ i ŭ vypadku straty karmilca.
Ciapier hety prajekt zakona musić razhledzieć i ŭchvalić Viarchoŭnaja Rada Ukrainy. Damova stracić jurydyčnuju moc praz šeść miesiacaŭ paśla taho dnia, jak Biełaruś atrymaje paviedamleńnie Ukrainy ab jaje denansacyi.
Z pačatku rasijskaha vajennaha ŭvarvańnia va Ukrainu, jakoje padtrymała kiraŭnictva Biełarusi, ukrainski ŭrad skasavaŭ, denansavaŭ, spyniŭ dziejnaść abo vyjšaŭ z bolš jak 20 dvuchbakovych pahadnieńniaŭ, damoŭ i miemarandumaŭ.
-
Biełarus paśla śmierci žonki zastaŭsia adzin ź dziećmi. Ich u jaho 12, ale jon dobra daje rady
-
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy
-
Jašče kala 400 hiektaraŭ ziamli na Homielščynie bolš nie ličacca radyjeaktyŭnymi
Kamientary