Biełaruskija raźliki «Iskanderaŭ» adpravilisia ŭ Rasiju dla praktyčnaj padrychtoŭki
Raźliki apieratyŭna-taktyčnaha rakietnaha kompleksu «Iskander-M» rakietnych vojskaŭ Uzbrojenych sił Biełarusi adpravilisia ŭ Rasijskuju Fiederacyju dla praktyčnaj padrychtoŭki. Pra heta paviedamiła ŭ aŭtorak pres-słužba Minabarony Biełarusi.
«Biełaruskim vajskoŭcam treba prajści poŭny cykł navučańnia na adnym z palihonaŭ Uzbrojenych sił Rasijskaj Fiederacyi. Asnoŭnymi pytańniami dla vyvučeńnia stanuć dalejšaje ŭdaskanaleńnie praktyčnych navykaŭ u padrychtoŭcy rakietnaha kompleksu da prymianieńnia, treniroŭcy ŭ jaho razhortvańni, a taksama praviadzieńnie vučebna-bajavych puskaŭ», — adznačyli ŭ abaronnym viedamstvie.
U biełaruskim Minabarony taksama prainfarmavali, što «asabovamu składu raźlikaŭ treba budzie detalova vyvučyć pytańni ŭtrymańnia i prymianieńnie taktyčnych jadziernych bojeprypasaŭ ATRK «Iskander-M».
Nahadajem, što raniej Uładzimir Pucin paviedamiŭ, što Rasija pa prośbie biełaruskaha boku raźmieścić svaju taktyčnuju jadziernuju zbroju ŭ Biełarusi. Pucin dadaŭ, što rasijski bok užo dapamahaje biełaruskim kaleham pieraabstalavać ich samaloty, a taksama pieradaŭ Biełarusi kompleks «Iskander», jaki moža być nośbitam taktyčnaj jadziernaj zbroi.
Piaskoŭ adkazaŭ na pytańnie pra toje, chto budzie kantralavać jadziernuju zbroju ŭ Biełarusi
«Budzie prysunuta da zachodnich miežaŭ Sajuznaj dziaržavy». Pasoł Hryzłoŭ pra jadziernuju zbroju
Mścisłaŭ Miekta: jašče adzin recydyvist rviecca va ŭładu, prykinuŭšysia śpiecnazaŭcam-jabaćkam15
Kamientary