Na Vilejskim vadaschoviščy rybak złaviŭ 30-kiłahramovaha taŭstałobika. Zmahaŭsia z rybaj 30 chvilin
Uładalnik rekordnaha trafieja raspavioŭ, što taŭstałobik byŭ złoŭleny vypadkova, padčas rybałki na śpininh ź bieraha ŭ rajonie vioski Sosienki.
«Zakinuŭ čarhovy raz vudu, praź niejki čas adčuŭ, što loska napružyłasia, i padsiek. Tut i zrazumieŭ: na kručku hodny praciŭnik. Zmahaŭsia ź im kala paŭhadziny, da apošniaha dumajučy, što tam som. I byŭ mocna ździŭleny, kali padciahnuŭ da bieraha vializnaha taŭstałobika», — uspaminaje mužčyna.
Pavodle jaho słoŭ, kali ŭdałosia vyciahnuć rybu na bierah, pieršaj dumkaj było adpuścić hihanta, ale pieradumaŭ chutka.
«Taki ŭłoŭ sustrakajecca raz u žyćci. Ale i, viadoma ž, zachaciełasia pakaštavać takoha taŭstałobika. Ułoŭ pajšoŭ na vialikuju siamju. Pryhatavali file, niešta pajšło na jušku. Siońnia źniali probu — ryba miasistaja, smačnaja», — skazaŭ mužčyna.
Ciapier čytajuć
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1616
Kamientary