Vatykan paviedamiŭ, što Papa Rymski Francišak trapiŭ u balnicu z reśpiratornaj infiekcyjaj i praviadzie tam niekalki dzion, piša Bi-bi-si.
U zajavie Katalickaj carkvy skazana, što ŭ apošnija dni ŭ pantyfika byli ciažkaści z dychańniem, adnak kavid u jaho nie vyjaŭleny. Francišak maje patrebu ŭ «niekalkich dniach nieabchodnaha balničnaha dohladu», piša Vatykan.
Ciapier u rabočym hrafiku 86-hadovaha pantyfika asabliva šmat padziej — z ulikam padrychtoŭki da Vialikadnia, jaki sioleta budzie adznačacca 9 krasavika.
U hetyja vychodnyja ŭ Vatykanie pavinna adbycca słužba z nahody ŭvachodu Haspodniaha ŭ Ijerusalim (abo imša Vierbnaj niadzieli).
U kancy krasavika Francišak taksama pavinien ździejśnić vizit u Vienhryju.
U sieradu ranicaj Francišak pryniaŭ udzieł u štotydniovaj aŭdyjencyi na płoščy Śviatoha Piatra.
Niahledziačy na prablemy sa zdaroŭjem, papa Rymski aktyŭna pracuje i sioleta ŭžo ździejśniŭ niekalki pajezdak za miažu. U tym liku jon naviedaŭ Demakratyčnuju Respubliku Konha i Paŭdniovy Sudan.
U studzieni Francišak pravioŭ pachavańnie svajho papiarednika Papy Bieniedykta XVI, jaki staŭ pieršym pantyfikam za mnohija stahodździ, što dobraachvotna padaŭ u adstaŭku praz stan zdaroŭja.
Raniej papa Francišak kazaŭ, što taksama moža syści sa svajoj pasady, kali jaho zdaroŭje pahoršycca.
Čytać taksama:
Papa Francišak nazvaŭ ukraincaŭ «narodam-pakutnikam»
Papa Francišak pajedzie ŭ Kijeŭ tolki tady, kali jaho zaprosiać i ŭ Maskvu
-
Izrail vysyłaje «Lekaraŭ bieź miežaŭ» ź siektara Haza. Miedyki admovilisia davać imiony svaich ludziej u ruki siłavikoŭ, aścierhajučysia represij suprać piersanału
-
Abaranić Izrail i arabskich sajuźnikaŭ. ZŠA nie ŭdarać pa Iranie, pakul nie załatajuć dzirki ŭ SPA
-
Tramp vyrašyŭ pabudavać u Vašynhtonie hihanckuju tryumfalnuju arku, jakaja budzie bolšaj za paryžskuju
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary