Papa Francišak pajedzie ŭ Kijeŭ tolki tady, kali jaho zaprosiać i ŭ Maskvu
Papa Francišak zajaviŭ, što hatovy naviedać Ukrainu, ale tolki pry ŭmovie, što paśla hetaha abaviazkova naviedaje Maskvu. Pra heta jon skazaŭ u intervju arhiencinskamu partału La Nacion.
«Ja žadaju pajechać u Kijeŭ. Ja chaču pajechać u Kijeŭ. Kali pajedu ŭ Maskvu. Ja naviedaju albo abodva harady, albo nivodnaha», — zajaviŭ Papa.
Francišak pryznaŭ, što pakul naviedać Maskvu jon nie moža, ale «heta nie niemahčyma»:
«Spadziajusia, što my zmožam heta ažyćciavić. Ale nijakich abiacańniaŭ niama».
Jon taksama skazaŭ, što prapanoŭvaŭ ukrainskamu prezidentu Uładzimiru Zialenskamu pryjechać u Vatykan dla aŭdyjencyi.
«Ale ŭrešcie jon adkłaŭ jaje paśla pačatku bambavańniaŭ i skazaŭ, što nie admianiaje jaje, a adkładaje da momantu, kali zmoža padarožničać za miažu», — adznačyŭ Papa Rymski.
Jašče ŭ lipieni 2022 hoda Francišak skazaŭ, što chacieŭ by naviedać Kijeŭ paśla viartańnia z Kanady 30 lipienia, ale taksama jon chacieŭ by pajechać u Maskvu, pažadana pierad vizitam u Kijeŭ, kab spryjać miru.
-
«Zaličanaja pa niestandartnaj pracedury». Stała viadoma, jak ščodra padmazvaŭ Epštejn univiersitet, u jakim vučyłasia Karyna Šulak
-
Rubia ŭ apošni momant admianiŭ sustreču ź lidarami Jeŭropy ab pytańni Ukrainy
-
Studzień 2026 hoda ŭvajšoŭ u piaciorku samych ciopłych pieršych miesiacaŭ hoda ŭ śviecie. Jak heta ni dziŭna dla biełarusaŭ
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami10
Kamientary