Papa Francišak padčas rehularnaj publičnaj aŭdyjencyi ŭ sieradu znoŭ zaklikaŭ Rasiju i Ukrainu da spynieńnia ahniu, zajaviŭšy, što pieramoha, zavajavanaja na ruinach, nikoli nie budzie sapraŭdnaj pieramohaj.
Pramova pantyfika prahučała napiaredadni pieršaj hadaviny z pačatku poŭnamaštabnaj vajny Rasii suprać Ukrainy. Na praciahu ŭsiaho hetaha hoda kiraŭnik Rymskaj Carkvy rehularna vystupaŭ z asudžeńniami dziejańniaŭ Maskvy i zaklikami da miru, nahadvaje Bi-bi-si.
«Z pačatku hetaj absurdnaj i biaźlitasnaj vajny prajšoŭ hod. Kolkaść zabitych, paranienych, biežancaŭ i pierasialencaŭ, a taksama maštaby razbureńniaŭ, sacyjalnaj i ekanamičnaj škody havorać sami za siabie», — skazaŭ jon.
Na aŭdyjencyi prysutničali pasoł Ukrainy ŭ Vatykanie Andrej Juraš i aficyjnaja delehacyja z Kijeva.
«Dyk daruje Haspodź usie złačynstvy i takuju kolkaść hvałtu. Jon Boh miru. Budziem zastavacca blizkimi z narodam-pakutnikam Ukrainy», — skazaŭ Francišak.
Papa abviarhaje śćviardžeńni Rasii ab tym, što jaje ŭvarvańnie ŭ Ukrainu było vymušanym i źjaŭlajecca častkaj «śpiecapieracyi». Jon asudziŭ zabojstvy i inšyja źvierstvy ŭ dačynieńni da cyvilnaha nasielnictva, jakija ździajśniajucca rasijskimi vajskoŭcami.
«Davajcie spytajem siabie: ci ŭsio mahčymaje było zroblena, kab spynić vajnu? Ja źviartajusia da ŭsich, chto maje ŭładu z zaklikam zrabić kankretnyja dziejańni dla zakančeńnia kanfliktu, spynieńnia ahniu i pačatku mirnych pieramoŭ».
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii37
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4545
Kamientary