Bulba, faršyravanaja syram i haroškam, — niazvykły padychod da zvykłaha praduktu
Hetaja prostaja ŭ hatavańni zakuska moža być i siamiejnaj stravaj, i prapanovaj dla haściej. Vy možacie ŭnieści źmieny ŭ recept i vykarystoŭvać miasa ci bolš harodniny ŭ načyncy razam z syram. Pasprabujcie i atrymajcie asałodu!
Bulba, faršyravanaja syram i haroškam. Fota: recipes.timesofindia.com
Na 4 porcyi vam spatrebicca:
- 1 kubak syru čedar ci inšaha ćviordaha syru,
- 4 siarednija bulbiny,
- 1/2 šklanki małaka,
- 1 siaredniaja abo vialikaja cybulina,
- 100 hram zialonaha zamarožanaha harošku,
- 150 h masła,
- sol,
- čorny pierac,
- kinza dla ŭpryhažeńnia.
Jak hatavać:
- Bulbu vymyjcie i absušycie. Vykładzicie na blachu i zapiakajcie kala 15—18 chvilin pry 180°C. Pakul bulba piačecca, narežcie nievialikuju cybulinu. Potym natrycie syr i adkładzicie ŭbok.
- Dastańcie bulbu, kali jana budzie hatovaja, i razrežcie kožnuju bulbinu na pałavinki. Akuratna pry dapamozie čajnaj łyžki vyńcie miakać z kožnaj bulbiny i adkładzicie ŭbok.
- Vaźmicie vialikuju misku i pakładzicie ŭ jaje miakać bulby, haroch, masła, małako, sol razam z čornym piercam i dobra ŭsio pieramiašajcie, kab atrymałasia piure. Potym dadajcie ŭ hetuju ž misku ciorty syr (trochi pakińcie dla pasypańnia) i narezany łuk i znoŭ źmiašajcie.
- Načynicie pałavinki bulby atrymanaj sumieśsiu. Pasypcie źvierchu načynku syram, jaki vy pakinuli śpiecyjalna dla hetaha.
- Dalej zmazvajem formu dla zapiakańnia masłam i vykładvajem u jaje faršyravanyja bulbiny. Vypiakajcie bulbu 5—6 chvilin pry tempieratury 177 °C. Paśla hatoŭnaści dastańcie zapiečanuju bulbu, jaje možna ŭpryhožyć narezanaj kinzoj. Padavajcie bulbu haračaj!
Vam taksama mohuć spadabacca:
Recept na vychadnyja. Bulba, faršyravanaja traskoj, — strava dla siamiejnaha abiedu
Recept na vychadnyja. Bulba ź biekonam i miodam — lohkaja, sytnaja i takaja pryhožaja
Jakija pracesy adbyvajucca ŭ vašym ciele, kali vy jaście bulbu?
Ciapier čytajuć
«Franak, adnosiny pamiž ludźmi mohuć budavacca nie tolki na manipulacyjach». Prakop‘jeŭ daŭ vodpaviedź Biaspałavu. I Viačorku45
Kamientary
atličnaja strava dla pieršaha spatkańnia... ale treba bolš harošku. a šče fasoli