U Śviatłany Aleksijevič u Niamieččynie zabłakavali bankaŭski rachunak
U Hiermanii zabłakavali bankaŭski rachunak nobieleŭskaj łaŭreatki Śviatłany Aleksijevič. Paśla taho, jak u 2020 hodzie da jaje doma ŭ Minsku pryjšli siłaviki, piśmieńnica pierajechała ŭ Bierlin. Ciapier u jaje skončyŭsia dazvoł na žycharstva, vydadzieny tady niamieckimi ŭładami. I na hetaj padstavie byŭ zabłakavany rachunak, piša «Jeŭraradyjo».
«Błakiroŭka rachunku Śviatłany Aleksijevič — nie vyklučny vypadak, a vielmi šarahovaja situacyja, takoje zdarajecca ź vialikaj kolkaściu biełarusaŭ, jakim pa niejkich pryčynach nie paśpiavajuć svoječasova praciahnuć dazvoł na žycharstva, — kamientuje situacyju kiraŭnica Biełaruskaha PENa Taćciana Niadbaj. — U banku Śviatłanie skazali, što heta abmiežavańni, jakija datyčać biełarusaŭ i rasijan, u suviazi z vajnoj. Prablema nie ŭ tym, što takoje nie pavinna zdaracca z nobieleŭskaj łaŭreatkaj — padychod pavinien być adnolkavy da ŭsich, — takoha nie pavinna zdaracca ni z kim. Patrebnaja źmiena padychodu dla tych, chto vymušany byŭ vyjechać ź Biełarusi praź pieraśled, ale praciahvaje pracu na karyść demakratyi».
Novy DNŽ Aleksijevič atrymaje na pačatku krasavika 2023-ha. U sutyčcy sa słavutaj niamieckaj biurakratyjaj — biurakratyja pieramahła.
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram15
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2424
Kamientary