Kampanija-ŭładalnik TikTok hraje klučavuju rolu ŭ vajskova-pramysłovaj śfiery Kitaja — spravazdača
Zhodna z novaj spravazdačaj śpiecyjalnaj parłamienckaj kamisii Aŭstralii, kampanija ByteDance taksama maje ŭskosnaje dačynieńnie da raspracoŭki jadziernaj zbroi, vyprabavańniaŭ hipierhukavych rakiet i hienacydu ujhuraŭ u Kitai.
Kitajskaja kampanija ByteDance, jakoj naležyć mabilnaja płatforma TikTok, maje klučavoje značeńnie dla palityki Kamunistyčnaj partyi Kitaja ŭ vajenna-pramysłovym i vyviedvalnym siektarach krainy. Pra heta 20 sakavika napisaŭ časopis National Review sa spasyłkaj na niadaŭniuju spravazdaču śpiecyjalnaj parłamienckaj kamisii Aŭstralii.
Asnoŭnaj metaj kamisii było vyjaŭleńnie faktaŭ umiašańnia kitajskich praŭładnych kampanij u vybary ŭ Aŭstralii. Rasśledavańnie pakazała, što kampanija ByteDance znachodzicca pad faktyčnym kantrolem uładaŭ Kitaja. U jakaści dokazaŭ i arhumientaŭ u dakumiencie pryvodziacca nastupnyja źviestki:
- Kiraŭnictva kampanii niepublična ŭvachodzić u KPK i maje niepasrednaje dačynieńnie da vajennaha kryła hetaj palityčnaj partyi.
- Kampanija adkryta supracoŭničaje ź Ministerstvam hramadskaj biaśpieki Kitaja ŭ «afłajn-dziejnaści», što vylivajecca ŭ masavaje sačeńnie i aryšty kitajskich hramadzian u krainie praz kitajskuju viersiju prahramy TikTok.
- Niekatoryja klučavyja supracoŭniki kampanii ByteDance źjaŭlajucca aktyvistami «Adzinaha frontu» — kitajskaha palityčnaha abjadnańnia, jakoje kantralujecca KPK i abjadnoŭvaje hałoŭnyja «hramadskija» arhanizacyi krainy (prafsajuzy, maładziožnyja abjadnańni, žanočyja sajuzy i inšaje).
- ByteDance dapamahaje čatyrom bujnym kitajskim univiersitetam (u ich liku Piekinskaja akademija štučnaha intelektu) stvarać vajennyja technałohii dla patreb armii Kitaja.
«Aproč hetaha, kampanija ByteDance maje ciesnaje partniorstva ź piaćciu kitajskimi firmami —raspracoŭščykami sistem sačeńnia (iFlyTek, SenceTime i inš.), jakija ŭniesienyja ŭ čorny śpis ZŠA za ŭdzieł u masavych represijach i hienacydzie ŭ dačynieńni da ujhuraŭ.
Jašče adnym važnym partnioram ByteDance źjaŭlajecca bujny technałahičny hihant Sugon, jaki zajmajecca simulacyjnymi vyprabavańniami jadziernaj zbroi i hipierhukavych rakiet», — havorycca ŭ spravazdačy śpiecyjalnaj parłamienckaj kamisii Aŭstralii.
Aŭtary rasśledavańnia prychodziać da vysnovy, što «adsutnaść palityčnaj reakcyi moža zrabić TikTok nastupnym surjoznym vyklikam ustojlivaści demakratyčnaha śvietu z boku aŭtarytarnych krain».
Sam ByteDance ŭžo adreahavaŭ na spravazdaču, zajaviŭšy, što ŭ aŭtaraŭ rasśledavańnia adsutničaje razumieńnie karparatyŭnaj struktury kampanii.
«Krynicy hetaj spravazdačy spasyłajucca tolki na adnu z daččynych kampanij BiteDance, jakaja dziejničaje vyklučna ŭ Kitai i nie maje apieracyjnaha kantrolu nad TikTok. Hetaja niapravilnaja charaktarystyka našaj kampanii — tolki adna z mnohich niedakładnaściaŭ, jakija asprečvajuć davier da spravazdačy», — zajaviła pres-sakratarka ByteDance Dženifier Benks.
ZŠA i ES, a taksama šerah zachodnich krain pastupova abmiažoŭvajuć vykarystańnie TikTok ź mierkavańniaŭ biaśpieki. Naprykład, u ZŠA ŭ hety momant chočuć całkam zabaranić hetuju sacsietku, niahledziačy na iaje masavuju papularnaść.
Sutnaść pytańnia i ryzyki vykarystańnia TikTok my raniej taksama padrabiazna apisvali tut.
Si Czińpin na sustrečy z Pucinym u Maskvie moža abmierkavać mahčymyja schiemy pa abychodzie zachodnich sankcyj
«Heta trajanski koń». Kitaj moža špijonić z dapamohaj partovych kranaŭ — krynicy ŭ Pientahonie
ZŠA abmiarkoŭvajuć z sajuźnikami mahčymyja sankcyj suprać Kitaja, kali jon akaža dapamohu Rasii ŭ vajnie z Ukrainaj
Rabotnikam Centra alimpijskaj padrychtoŭki pa frystajle zabaranili iści na pachavańnie Mikałaja Kazieki15
Rabotnikam Centra alimpijskaj padrychtoŭki pa frystajle zabaranili iści na pachavańnie Mikałaja Kazieki
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1515
Kamientary