Si Czińpin na sustrečy z Pucinym u Maskvie moža abmierkavać mahčymyja schiemy pa abychodzie zachodnich sankcyj
Amierykanski instytut vyvučeńnia vajny (ISW) u svajoj štodzionnaj zvodcy analizuje vizit staršyni KNR Si Czińpina ŭ Maskvu 20—22 sakavika. Kreml zajaviŭ, što Uładzimir Pucin i Si Czińpin płanujuć padpisać dvuchbakovyja dakumienty i abmierkavać aktualnyja pytańni «ŭsieabdymnaha partniorstva» Rasii i Kitaja.
U zvodcy havorycca, što pa paviedamleńniach, kitajskija kampanii pradali rasijskim strukturam zapčastki dla bieśpiłotnikaŭ i abstalavańnie, jakoje moža być vykarystanaje ŭ vajennych metach. Analityki miarkujuć, što Si, imavierna, płanuje abmierkavać z Pucinym i inšymi rasijskimi čynoŭnikami schiemy abychodu sankcyj, kab padtrymać prodaž i vydaču Rasii kitajskaha abstalavańnia.
Tym bolš, što pavodle acenki ISW, 1 sakavika Alaksandr Łukašenka i Si padpisali pakiet z 16 pahadnieńniaŭ, jakija mohuć spryjać abychodu zachodnich sankcyj u dačynieńni da Rasii šlacham nakiravańnia kitajskaj pradukcyi praź Biełaruś.
Analityki ISW taksama miarkujuć, što ŭ kitajskaha lidara jość ambicyi vystupić u roli pasrednika ŭ pieramovach Rasii i Ukrainy. Jon moža apielavać da svajho pośpiechu ŭ adnaŭleńni dypadnosin pamiž Iranam i Saudaŭskaj Aravijaj, havorycca ŭ zvodcy.
Pry kancy lutaha Kitaj pradstaviŭ svoj płan pa mirnym urehulavańni kanfliktu Rasii i Ukrainy, adnak zachodnija krainy pastavilisia da jaho skieptyčna, adznačajučy, što Piekin zvyčajna schilny padtrymlivać rašeńni i pazicyju Kramla.
Kaleha pamierłaha vykładčyka Ščukina: Jaho kinuła žonka ź dziećmi, pačałasia depresija. U vyniku zvolnili za prahuły8
Kamientary