Ministr zamiežnych spraŭ Finlandyi raskazaŭ, jakija arhumienty vykarystoŭvaŭ Uładzimir Makiej u razmovach z zamiežnymi kalehami
Ministr zamiežnych spraŭ Finlandyi Pieka Chaavista raspavioŭ vydańniu Iltalehti pra razmovu ź biełaruskim kaleham Uładzimiram Makiejem, jakaja adbyłasia niezadoŭha da raptoŭnaj śmierci apošniaha i nieŭzabavie paśla taho, jak Rasija abviaściła ab anieksii čatyroch ukrainskich abłaściej.
Sa śviedčańniaŭ finskaha palityka možna zrazumieć, što ŭ razmovach z zamiežnymi kalehami Makiej da kanca praciahvaŭ pravodzić tuju liniju, jakaja dobra siabie zarekamiendavała da 2020 hoda: pužać zachodnikaŭ niebiaśpiekaj anieksii Biełarusi Rasijaj, pakazvajučy režym Łukašenki ŭ jakaści najmienšaha zła.
Tak, kiraŭnik finskaha MZS paviedamiŭ, što razmaŭlaŭ z Makiejem paśla taho, jak u kancy vieraśnia Rasija abviaściła ab anieksii čatyroch abłaściej Ukrainy — Danieckaj, Łuhanskaj, Chiersonskaj i Zaparožskaj.
«Jaho vielmi chvalavała, ci nie stanie Biełaruś piataj», — skazaŭ Chaavista.
Pa słovach ministra, padčas razmovy jon nazvaŭ punkt hledžańnia Makieja «cikavym», bo zboku zdajecca, byccam Biełaruś usialak padtrymlivaje Kreml.
Ale namahańni Makieja nie prajšli bieź plonu, bo finski ministr u tym liku i na asnovie razmoŭ ź im pryjšoŭ da vysnovy, što ŭsio nie tak adnaznačna:
«Za hetym varta sačyć, tamu što padtrymka Biełarusi [dziejańniaŭ RF] choć i zdajecca vielmi aktyŭnaj, ale z ahavorkaj», — miarkuje Chaavista.
Pry hetym jon pryvodzić u prykład zajavu Łukašenki, što Biełaruś usialak padtrymlivaje Rasiju, ale taja, maŭlaŭ, i tak nastolki mocnaja, što joj nie patrebnaja dapamoha.
U hetym kantekście ministr zamiežnych spraŭ Finlandyi adznačaje toje, što Biełaruś jašče nie dałučyłasia da samych aktyŭnych bajavych dziejańniaŭ pa toj bok miažy».
Čytajcie taksama:
Imaviernaja pryčyna śmierci Uładzimira Makieja — suicyd
Padčas pajezdki ŭ Biełaruś, jakuju nazvali «sakretnaj», niamiecki deputat sustrakaŭsia z Uładzimiram Makiejem
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam21
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia79
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie33
Kamientary
On sam obmanyvaťsia rad.