Asnoŭnaj zadačaj narodnaha apałčeńnia stanie abarona svajoj miascovaści i zabieśpiačeńnie pravaparadku sumiesna ź milicyjaj. Pra heta raspavioŭ žurnalistam ministr abarony Viktar Chrenin.
Pavodle raźlikaŭ vajskoŭcaŭ, kolkaść narodnaha apałčeńnia moža skłaści 100 — 150 tysiač čałaviek. Ale ŭ Ministerstvie abarony nie vyklučajuć, što dobraachvotnikaŭ moža być i bolš.
«U nas dastatkova mabilizacyjnaha resursu, jaki znachodzicca na ŭliku ŭ našych vajennych kamisaryjatach. My praviali pravierku i bačym, što jany nie ŭsie buduć zadziejničanyja pa mabilizacyjnym płanie. Heta pierš za ŭsio tyja ludzi, jakija ŭžo navučanyja i ŭmiejuć vałodać zbrojaj. Ale my nie vyklučajem, što dobraachvotnikami mohuć stać i tyja ludzi, jakija nie prajšli vajskovuju padrychtoŭku, u tym liku i žančyny», — raspavioŭ ministr abarony.
Dla dobraachvotnikaŭ praduhledžanyja kursy padrychtoŭki. «My ŭ karotki pramiežak času zdolnyja navučyć ludziej. Jak pry stvareńni narodnaha apałčeńnia, tak i da stvareńnia, u mirny čas», — dadaŭ Viktar Chrenin.
-
Čynoŭnik patłumačyŭ, čamu nielha rabić jadzierny mohilnik u Astravieckim rajonie
-
Zavočna asudžany maładziečaniec nieviadomym čynam viarnuŭsia ŭ Biełaruś — jaho asudzili na 5,5 hadoŭ za supracu z «Dapamohaj»
-
U Jakucku na miescy miemaryjała ź imionami słavutych biełarusaŭ ciapier budzie stajać pomnik «hieroju SVA»
Kamientary
Darečy, ja ŭ toj čas telefanavaŭ u vankamat i pytaŭsia, dzie i kali prajści navuku karystańnia aŭtamatam, hranatamiotam dy minami. Heta baza. Na što mnie čamuści skazali bolš tudy nie telefanavać i ŭsie pytańni da minabarony. NN, paŭtarycie ekśpierymient, kali łaska.