KDK aryštavaŭ majomaść bujnoha połackaha biznesmiena amal na 100 młn dalaraŭ. Vidać, heta Uładzimir Zacharaŭ
Biznesmien z Połacka i «jaho šaściora pamahatych» padazrajucca va ŭchileńni ad vypłaty padatkaŭ i lehalizacyi srodkaŭ, atrymanych złačynnym šlacham, paviedamiŭ Kamitet dziaržkantrolu.
Nakładzieny aryšt na majomaść padazravanych — 68 abjektaŭ nieruchomaści płoščaj bolš za 107 tys. kv. m ahulnym koštam nie mienš jak 92 młn jeŭra, u tym liku 24 handlovyja centry, katedžy, kvatery, aŭtamabili «luksavaha siehmienta».
Havorka, chutčej za ŭsio, idzie pra Uładzimira Zacharava — połackaha pradprymalnika, jaki maje dačynieńnie da TAA «Handlovy dom «Stralec». Heta adna z najbujniejšych handlovych sietak u Połacku i Navapołacku.
Pa infarmacyi, jakaja była ahučanaja ŭ efiry ANT, fihurant kryminalnaj spravy znachodzicca «niedzie na bierahach Piersidskaha zaliva».
U kancy minułaha hoda źjaviłasia infarmacyja, što Uładzimir Zacharaŭ raspradaje svaju majomaść.
Kamientary