Vykładčykaŭ užo vyklikajuć na hutarki. Źmieny ŭ Licei BDU mohuć čakać i abituryjentaŭ.
Učora «Biełsat» paviedamiŭ, što ŭ Licei BDU mohuć pačacca masavyja zvalnieńni. Adna z krynicaŭ vydańnia raskazała, što novy supracoŭnik KDB, adkazny za licej, «płanuje zvolnić 30 asobaŭ, usich pužaje».
«Našaj Nivie» stała viadoma, što da Liceja dajšli bilinhi za 16 žniŭnia 2020-ha. U toj dzień byŭ niadzielny marš na Stele ŭ Minsku.
«Z hetaj nahody z balničnaha vyjšaŭ navat namieśnik dyrektara pa režymie biaśpieki i kadrach. Da jaho ŭ kabiniet vyklikali tych, chto byŭ na Stele ŭ toj dzień. Pra što kankretna viałasia havorka za začynienymi dźviarami, ja nie viedaju, ale, chutčej, tym supracoŭnikam paviedamili, što jany nie zmohuć pracavać paśla zakančeńnia kantraktu. Heta viersija moža być całkam imaviernaj.
Stajała ŭ čarzie na razmovu šmat ludziej, tamu rezka ŭsich zvolnić nie atrymajecca. Zvalnieńnie pa zakančeńni kantrakta dazvolić pastupova adnaŭlać štat supracoŭnikaŭ, nabirać łajalnych da ŭłady i ź niezaplamlenaj reputacyjaj, a taksama zabiaśpiečyć bieśpierapynnuju pracu Liceja BDU.
U dadatak treba adznačyć, što dahetul pravodzilisia indyvidualnyja hutarki z tymi z supracoŭnikaŭ Liceja BDU, jakija ŭ 2020 hodzie stavili podpisy za alternatyŭnych kandydataŭ. Heta iznoŭ-taki hrupa ryzyki ŭ sučasnych umovach», — paviedamiła abaznanaja krynica, jakaja znajoma ź situacyjaj ŭ Licei BDU.
Kolki vykładčykaŭ mohuć trapić pad zvalnieńni, krynicy «Našaj Nivy» nie viadoma.
Peŭnyja źmieny mohuć čakać taksama abituryjentaŭ.
Raspracoŭvajecca damova z budučymi abituryjentami Liceja BDU, na padstavie jakoj, paśla navučańnia tam treba budzie abaviazkova iści ŭ BDU pa metavym nabory.
«Heta dazvolić pavialičyć kolkaść vypusknikoŭ Liceja, jakija pastupajuć u BDU, da 100%. Da 2021 hoda hety pakazčyk štohod składaŭ kala 60%, a ŭ 2021 upaŭ da 40% ad ahulnaj kolkaści vypusknikoŭ Liceja.
U vypadku niepastupleńnia ŭ BDU, vypuskniku treba budzie kampiensavać košt adukacyjnych pasłuh nadadzienych padčas navučańnia ŭ Licei. Pakul jurydyčnaha miechanizmu realizacyi takoj pastanovy niama, ale praca idzie», — raskazała krynica.
Licej BDU tradycyjna hurtavaŭ vakoł siabie adukavanuju i krytyčna dumajučuju moładź. Ale paśla 2020-ha ideałahičny kantrol uzmacniŭsia i tam.
Letaś na liniejku ŭ Licej BDU prysłali namieśnika načalnika KDB. U svajoj pramovie jon raskazvaŭ pra Fieliksa Dziaržynskaha, jak toj «šmat dobraha zrabiŭ dla dziaciej, zasnavaŭ słužbu, naščadkam jakoj źjaŭlajecca KDB, vyratavaŭ vialikuju kolkaść žyćciaŭ».
A paźniej Licej razam z KDB pravodziŭ kulturna-patryjatyčny konkurs «Pieršyja siarod roŭnych». U adnoj z naminacyj kankursantaŭ prasili namalavać komiks ab žyćciovym šlachu i dziaržaŭnaj dziejnaści Fieliksa Dziaržynskaha.
Čytajcie taksama:
«Mikałaj Łukašenka braŭ udzieł u konkursie, ale nikoli nie vučyŭsia». Vialikaja hutarka z byłym dyrektaram Liceja BDU Iharam Varaksam
Krainu pakinuła kultavaja vykładčyca Liceja BDU
Licej BDU i KDB ładziać sumiesny konkurs. U tym liku pra Fieliksa Dziaržynskaha
-
U Bierazinie pračnulisia pčoły. Dziaŭčynka, jakaja ich pabačyła, skaryła tyktok
-
«Biełarusy i ŭ Dubai biełarusy». Jak suajčyńniki arhanizavali dapamohu tym, chto nie moža viarnucca damoŭ praz zakrytaje nieba
-
«Pad kaniec adpačynku daviedalisia, što tut niama schoviščaŭ». Biełarusy, što znachodziacca ŭ AAE, raskazali, jak im tam ciapier
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii12
Kamientary
P.S. pamiataju jak na fizru da nas zavitvaŭ kdbšnik, što sačyŭ, kab nichto ničoha nie zrabiŭ z Nastaj łukašenkaj. Ja hladzieŭ na jaho, pakul toj siadzieŭ na brusach, i sprabavaŭ jaho zrazumieć. Ale tak i nia zmoh.
P.P.S. Nia budu pieraličvać nastaŭnikaŭ, ale viedaju što jany heta čytajuć. Kali heta ŭsio skončycca, viarnusia da Biełarusi, zavitaju da kožnaha i pa-sapraŭdnamu adździaču. A pakul trymajciesia, daražeńkija!