«Ułasnaść, hrošy i ŭłada — heta try kity». Upieršyniu za doŭhi čas čynoŭnik davoli horača publična piarečyŭ Łukašenku
Ministr sielskaj haspadarki i charčavańnia Ihar Bryło adstojvaŭ pazicyju pra nieabchodnaść nadańnia ŭradu prava davać ilhoty pramysłovym kampanijam, na jakija viešajuć stratnyja sielskahaspadarčyja pradpryjemstvy.
«Vy chočacie dałučyć kałhasy, saŭhasy da dziaržaŭnych pramysłovych pradpryjemstvaŭ. Ja vam daručyŭ hety praces trymać u poli zroku. I kali treba ŭnieści prapanovy. Vy ŭnosicie prapanovy? Kaho siońnia da kaho budziem dałučać?» — na pavyšanym tonie spytaŭsia Łukašenka.
«Alaksandr Ryhoravič, sa 127 vielmi składanych niepłaciežazdolnych pradpryjemstvaŭ praktyčna 117 znachodziacca ŭ troch abłaściach. Heta Homielskaja, bolš za 50 pradpryjemstvaŭ, Mahiloŭskaja i Minskaja».
— U nas sistema siońnia jość?
— Krychu nie takaja.
— My siońnia dałučajem kałhasy, saŭhasy da pradpryjemstvaŭ?
— Dałučajem.
— Da pradpryjemstva, pryvatnikaŭ? Pieradajom ci nie pieradajom? Čym vas nie zadavalniaje hetaja sistema?
— My takimi ŭkazami nie stvarajem spryjalnych umoŭ dla inviestara. My ŭsiaho tolki chočam dla pradpryjemstva, jakoje voźmie na siabie nahruzku z SPK: jamu stvaryć hetyja ŭmovy. Voś hetaje asnoŭnaje adroźnieńnie. Tamu 399-m, 253-m (ukazam), u nas byli ŭmovy stvoranyja, tolki dla pradpryjemstvaŭ APK, tolki dla kałhasaŭ», — davoli horača zapiarečyŭ Bryło.
Łukašenka vykazaŭsia ŭ tym styli, što ministr prapanuje zabrać u prezidenta prava davać ilhoty svaim ukazam i pieradać hetyja paŭnamoctvy ŭradu.
«Ja nie razumieju, ja što, zatarmaziŭ niejki praces? — kryčaŭ na ministra Alaksandr Łukašenka. — Ja nie razumieju, našto vy łamajecie ciapierašniuju sistemu. Što vas nie zadavalniaje?»
«Hety ciapierašni ŭkaz, 399-y, nam nie dazvalaje restrukturyzavać doŭh dla hałaŭnoha pradpryjemstva, pačujcie, kali łaska», — nie zdavaŭsia ministr sielskaj haspadarki.
U adkaz Alaksandr Łukašenka pryhraziŭ Bryło pieradać prava padavać chadajnictvy na lhoty ź ministerstva i ŭrada staršyniam abłvykankamaŭ.
«Ułasnaść, hrošy i ŭłada — heta try kity, heta hałoŭnaje ŭ luboj krainie!» — pavučaŭ Alaksandr Łukašenka.
Uvohule, Łukašenka na naradzie vyhladaŭ razdražnionym i prydziraŭsia da dakładaŭ pa ŭsich pytańniach.
Videa sprečki Łukašenki i Bryło apublikavali łukašenkaŭskija ŚMI. Mahčyma, heta maje prademanstravać, što dyskusija pa pytańniach ekanamičnaj taktyki ŭsio jašče mahčymaja, tady jak u bolšaści śfier žyćcia ŭžo nie zastałosia prastory dla pluralizmu.
-
Biełarusam Alenie i Krystafu, u jakich u Varšavie zhareła arendnaja kvatera, za dzień sabrali bolš za $16 tysiač
-
Biełarus, jakomu zabaranili ŭjazdžać u Jeŭropu, znajšoŭ chitry sposab, jak heta abyści
-
Śpiecyjalisty patłumačyli, nakolki niebiaśpiečnyja masty i puciepravody, chiby jakich pakazvajuć u internecie
Ciapier čytajuć
Alaksandr Nadsan pieršy raz pryjechaŭ u Biełaruś paśla saraka hadoŭ emihracyi. Minskaja moładź niečakana znajšła ŭ im toje, čaho nie bačyła ŭ svaich baćkach88
Kamientary