Što budzie najlepšym prezentam dla mocnaha čałavieka z Kalifornii? Skulptura mocnaha čałavieka z Rasii. Skulptar z Sankt-Pieciarburhu Alaksandr Čarnaščokaŭ, kaža, što Rasijskaja fiederacyja bodybiłdynhu źviarnułasia da jaho z prośbaj vyjavić u bronzie premjer-ministra Rasii Ŭładzimira Pucina. Zakazčyki dadali, što da nalećcia chočuć padaryć tuju skulpturu hubiernataru Kalifornii, u minułym paśpiachovamu kulturystu, Arnoldu Švarcenehieru.
Dla Čarnaščokava padobnyja zakazy - nie pieršynia. U 1991-ym hodzie na zakaz toj ža fiederacyi bodybiłdynhu jon užo rabiŭ statuju samaho Švarceniehiera i tadyšni kiraŭnik fiederacyi Dubinin jeździŭ u ZŠA ŭručyć jaje Arnoldu asabista. Mienavita tady vyśvietliłasia, što Švarceniehier zaciaty kalekcyjanier biustaŭ: jon navat narakaŭ, što ŭ svajoj kalekcyi nie maje rasijskich znakamitaściaŭ. Stul Dubinin pačaŭ dasyłać Švarceniehieru vyjavy Stalina, Lenina, Harbačova i Jelcyna. «A skulptura byłoha prezidenta i ciapierašniaha premjera Pucina — łahičny praciah hetaj zaviadzionki», — kaža Dubinin.
Dźmitry Piaskoŭ, presavy sakratar Pucina, zaznačyŭ, što premjer-ministr nie viedaŭ pra hetuju inicyjatyvu rasijskaj fiederacyi bodybiłdynhu. Piaskoŭ padkreśliŭ, što kali Pucinu było b viadoma pra padobnuju skulpturu, dyk jon by paprasiŭ by nie stvarać jaje, bo palityk «zaŭsiody byŭ suprać kulta asoby».
U svaju čarhu, skulptar Čarnaščokaŭ kaža, što dla jaho skultura Pucina — usiaho-tolki «praca» i što ŭ palityčnym aśpiekcie jon nie padtrymlivaje šmat jakich pohladaŭ premjera. «Sarpaŭdny intelihient zaŭsiody ŭ apazicyi da ŭłady», — dadaŭ skulptar.
Ciapier čytajuć
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek4
Kamientary