Pres-sakratarka Cichanoŭskaj patłumačyła, z čym byŭ źviazany ranišni zvarot
Siońnia rankam Śviatłana Cichanoŭskaj źviarnułasia da biełarusaŭ z zaklikam abdumać płan dziejańniaŭ na vypadak vajny. «Pahavarycie z rodnymi i siabrami, abmiarkujcie płan dziejańniaŭ na vypadak niebiaśpieki. Nazapaście najaŭnyja hrošy, lepiej u valucie, a jašče lepiej — u roznych valutach. Abmiarkujcie ź dziećmi praviły pavodzinaŭ u stresavych situacyjach i bazavuju biaśpieku», — paraiła demakratyčnaja lidarka. Mnohich hetyja słovy ŭschvalavali.
Pres-sakratarka Cichanoŭskaj Hanna Krasulina rastłumačyła, čym byŭ vyklikany zvarot.
«Užo hod idzie vajna, i imaviernaść, što režym uciahnie Biełaruś u vajnu jašče bolš, čym ciapier, na žal, absalutna nie nulavaja. Uvieś 2022 hod jon rabiŭ mienavita heta. Apošnija hady biełarusam davodzicca samim kłapacicca pra svaju biaśpieku i zdaroŭje — i padčas kavidu, i padčas pratestaŭ 2020, i z pačatku vajny va Ukrainie. Hetaha nie robiać tyja, chto robić vyhlad, što jany dziaržava, — i tamu my źviartajemsia naŭprost da ludziej.
Taksama my viedajem, što z-za pracy prapahandy nie ŭsie biełarusy razumiejuć, nakolki naša kraina ŭžo ciapier uciahnutaja ŭ vajnu. Ludzi tolki adčuvajuć, što ich žyćcio stanovicca horšym i bolš niebiaśpiečnym, ale ad ich sprabujuć schavać pryčynu hetaha.
Ranišniaje paviedamleńnie było napisanaje nie tamu, što ŭ nas źjaviłasia infarmacyja pra ŭvarvańnie va Ukrainu — a tamu što hetaja imaviernaść užo hod nie apuskajecca da nula i nie apuścicca, pakul u krainie nie źmienicca ŭłada.
Tamu my zaklikajem biełarusaŭ kłapacicca pra siabie i svaich blizkich — heta toje, na što kožny sapraŭdy moža paŭpłyvać», — napisała Hanna Krasulina.
Cichanoŭskaja zaklikała biełarusaŭ abdumać płan dziejańniaŭ na vypadak vajny
Ciapier čytajuć
«Upeŭnieny, jon i z kaniom kala arki pahavaryŭ». Rasijski žurnalist apisaŭ pryjezd Łukašenki na parad8
«Upeŭnieny, jon i z kaniom kala arki pahavaryŭ». Rasijski žurnalist apisaŭ pryjezd Łukašenki na parad
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary
Krasuliny, Viečorki....
NKVD nie driemlet!
..
a tiepieŕ značit budut biełaruskije... spasibo, mať