WSJ: Zachodnija lidary aścierahajucca, što čas moža hrać na karyść Rasii
Za rašeńniem zachodnich lidaraŭ rezka źmianić taktyku i značna pavialičyć vajskovuju dapamohu Kijevu moža stajać bojaź taho, što čas budzie hrać na karyść Rasii, piša Wall Street Journal.
Zachodnija palityki miarkujuć, što akno mahčymaściaŭ dla Ukrainy nie biaskoncaje, a dla taho, kab pierałamać chod vajny, Kijevu nieabchodna dać jak maha chutčej bolš mahutnuju zbroju, u tym liku bajavyja tanki i sistemy supraćpavietranaj abarony.
Doŭhi čas na Zachadzie spadziavalisia, što paśla ciažkaj zimy, vajennych strat i paharšeńnia ekanamičnaj situacyi z-za sankcyj Maskva budzie imknucca zharnuć kanflikt i pačnie šukać mahčymaści dla ŭstanaŭleńnia miru.
Adnak hety raźlik, padobna, nie apraŭdaŭsia: nabližajecca pieršaja hadavina pačatku ŭvarvańnia Rasii va Ukrainu, i Maskva, niahledziačy na paniesienyja straty i ŭviedzienyja sankcyi, zdajecca, maje namier razharnuć novy nastup va Ukrainie.
Ciapier šerah zachodnich lidaraŭ miarkuje, što Kreml, hatovy praciahvać mabilizacyju, moža vyjhrać, prytrymlivajučysia taktyki doŭhaha vajennaha kanfliktu.
Mahčyma, u Kramli raźličvajuć, što z časam nasielnictva Jeŭropy i ZŠA budzie ŭsio ź mienšym entuzijazmam padtrymlivać namahańni ŭradaŭ pa akazańni dapamohi Ukrainie. U niekatorych krainach za hety čas mohuć źmianicca lidary i ŭrad.
Jak padkreślivaje vydańnie, na Zachadzie pakul nie bačać nijakich prykmiet taho, što Kreml zadumvajecca ab zhortvańni kanfliktu praz sankcyi. Taksama zachodnija palityki razumiejuć, što Rasija vałodaje davoli vialikimi resursami, kab naładzić vytvorčaść zbroi biez vykarystańnia zachodnich technałohij, a taksama pravieści novuju chvalu mabilizacyi, piša WSJ.
Ciapier čytajuć
Kupla kvatery praz kaapieratyŭ zamiest ipateki: jak pracuje sistema, padobnaja da piramidy, i što kažuć udzielniki i ekśpiert1
Kamientary