Italija i Francyja damovilisia ab sumiesnaj pieradačy Ukrainie sistemy SPA SAMP/T
Heta adzinaja jeŭrapiejskaja sistema SPA, zdolnaja źbivać balistyčnyja rakiety.
Ukrainie pastaviać franka-italjanskuju sistemu SPA SAMP/T, zdolnuju źbivać balistyčnyja rakiety, piša vydańnie La Stampa. Ab pryniatym rašeńni nieŭzabavie pavinny aficyjna paviedamić lidary Italii i Francyi.
«Palityčnaje rašeńnie pryniataje. Ciapier udakładniajucca techničnyja detali, bo sistema vielmi składanaja», — paviedamlaje vydańnie sa spasyłkaj na svaju francuzskuju dypłamatyčnuju krynicu.
Pavodle infarmacyi jašče adnaho vydańnia, Il Messaggero, Italija i Francyja taksama damovilisia ab sumiesnaj zakupcy 700 zienitnych rakiet Aster-30 koštam 2 młrd jeŭra, častka ź jakich adpravicca va Ukrainu ŭ jakaści bojeprypasaŭ dla SAMP/T. Radyus dziejańnia takich bojeprypasaŭ dla pierachopu varožych samalotaŭ składaje kala 100 km, a dla pierachopu varožych rakiet — 25 km. Pry hetym Aster-30 zdolnyja kantralavać da 130 roznych latajučych abjektaŭ i adnačasova źniščać da 10 ź ich.
Nahadajem, što jašče niadaŭna stała viadoma ab pieramovach pra pastaŭku adnoj z najlepšych sistem SPA ŭ śviecie SAMP/T dla patreb Ukrainy. Jana zdolnaja źniščać balistyčnyja i kryłatyja rakiety małoj dalokaści, a taksama źniščalniki i bieśpiłotniki. Adna takaja sistema kaštuje 800 młn jeŭra.
Čytajcie jašče:
Va Ukrainie stvarajucca pieršyja ŭ śviecie roty apierataraŭ udarnych bieśpiłotnikaŭ
Pasoł Ukrainy nazvaŭ kolkaść tankaŭ, jakija Kijeŭ atrymaje ad Zachadu
Brytanskaja raźviedka: Straty Rasii pry abstrele PTV u Makiejeŭcy pieravysili 300 čałaviek
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim16
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3535
Kamientary