Italija pastavić Ukrainie zienitny kompleks, zdolny źbivać balistyčnyja rakiety. Raskazvajem pra jaho
Pieradača itała-francuzskaj sistemy SPA SAMP/T moža zdarycca praź miesiac, u šostym pakiecie vajskovaj dapamohi. Hałoŭnaja asablivaść hetaj vielmi efiektyŭnaj sistemy — zdolnaść źbivać balistyčnyja rakiety.
Pavodle infarmacyi časopisa La Repubblica, na nastupnym tydni Italija prymie šosty pakiet vajskovaj dapamohi dla Ukrainy. Pieršapačatkova ŭ jaho pavinny byli ŭvachodzić bolš tannyja i prostyja ZRK Aspide, adnak u hety momant u jaho pahadzilisia dadać sistemy SAMP/T.
Ministr zamiežnych spraŭ Italii Antonia Tajani ŭ intervju Corriere della Sera zajaviŭ, što pieramovy pa hetym pytańni viaducca z Francyjaj. Pra terminy pieradačy kompleksu pakul nie havorycca.
«Rychtujecca šosty pakiet, jaki ŭklučaje sistemy SPA. Ministr Kuleba padziakavaŭ za akazanuju padtrymku, a ja paŭtaryŭ, što jana budzie praciahvacca. U supracoŭnictvie z Francyjaj my zaviaršajem adpraŭku SAMP/T. Akramia hetaha, jość inšyja płany, nad jakimi my pracujem kanfidencyjna», — skazaŭ ministr.
Tajani taksama nahadaŭ, što Italija ŭžo pieradała Ukrainie piać pakietaŭ vajskovaj dapamohi na sumu kala 1 młrd jeŭra.
SAMP/T — heta supolnaja raspracoŭka Italii i Francyi, jakaja moža vykarystoŭvacca dla abarony ad bieśpiłotnikaŭ, kryłatych i balistyčnych rakiet małoj dalokaści da 600 km, a taksama ad źniščalnikaŭ. Raniej na pieradačy takoj sistemy Ukrainie nastojvali ZŠA.
Samaloty jana moža źbivać na adlehłaściach da 200 km, a balistyčnyja rakiety — da 15 km.
Kamientary