Brytanskaja raźviedka: Straty Rasii pry abstrele PTV u Makiejeŭcy pieravysili 300 čałaviek
U štodzionnaj zvodcy brytanskaj raźviedki ŭ subotu śćviardžajecca, što zahinułych vajskoŭcaŭ pry abstrele PTV u Makiejeŭcy było značna bolš, čym pryznali rasijskija ŭłady.
Straty Rasii ŭ vyniku ŭdaru 1 studzienia pa budynku, dzie raźmiaščalisia vajskoŭcy, u Makiejeŭcy pad Danieckam, chutčej za ŭsio, pieravysili 300 čałaviek. Pavodle acenak brytanskaj vyviedki, bolšaść ź ich byli zabityja abo prapali bieź viestak, a nie atrymali ranieńni;
Paśla ŭdaru Minabarony Rasii pajšło na redki krok i publična pryznała, što paniesła straty, zajaviŭšy pra 89 zabitych.
Vierahodna, rasijskija čynoŭniki, sutyknuŭšysia z chvalaj krytyki na adras rasijskaha kamandavańnia, paličyli, što ŭchilacca ad aficyjnych zajaŭ u suviazi z hetym incydentam niemetazhodna;
Na dumku aŭtaraŭ zvodki, roźnica pamiž kolkaściu achviar, pryznanych Rasijaj, i vierahodnaj sapraŭdnaj kolkaściu achviar padkreślivaje paŭsiudnuju prysutnaść dezynfarmacyi ŭ publičnych zajavach rasijskich uładaŭ;
Jak praviła, heta adbyvajecca ŭ vyniku spałučeńnia zaviedama niepraŭdzivych zajaŭ, adobranych vyšejšym kiraŭnictvam, i raspaŭsiudžvańnia niedakładnych źviestak małodšymi słužbovymi asobami, jakija imknucca źmienšyć svaje pramaški.
Raniej na asnovie adkrytych krynic Bi-bi-si ŭdałosia ŭstanavić imiony 92 rasijskich vajskoŭcaŭ, jakija zahinuli pry abstrele PTV u Makiejeŭcy pobač z Danieckam. Heta na try čałavieki bolš, čym ličba zahinułych, nazvanaja Minabarony Rasii. Siemji jašče prynamsi 16 vajskoŭcaŭ nie mohuć znajści ich ni siarod miortvych, ni siarod žyvych.
-
«Nie viedaju, jak u tym pansijanacie moh by chtości vyžyć». Što raskazvajuć u vioscy ŭ Kijeŭskaj vobłaści, dzie zahinuli 37 čałaviek
-
Ukrainskija drony ŭdaryli pa «Azonie» ŭ Biełharadzie
-
«Šachiedy», jakija laciać na Kijeŭ, mohuć praciahvać vykarystoŭvać dla navihacyi biełaruskija stancyi mabilnaj suviazi
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?9
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2121
Kamientary