Alimpijskaja rada Azii (ARA) vystupaje za dopusk rasijskich i biełaruskich spartsmienaŭ da svaich turniraŭ, havorycca ŭ zajavie na sajcie arhanizacyi.
«ARA vieryć u abjadnaŭčuju siłu sportu i toje, što ŭsie spartsmieny, niezaležna ad ich nacyjanalnaści abo pašparta, pavinny mieć mahčymaść udzielničać u spartyŭnych spabornictvach. ARA prapanavała rasijskim i biełaruskim spartsmienam, jakija majuć prava na ŭdzieł, vystupać u spabornictvach u Azii, u tym liku ŭ Azijackich hulniach», — zajavili ŭ Alimpijskaj radzie Azii.
Pry hetym ARA padtrymała zajavu vykankama Mižnarodnaha alimpijskaha kamiteta (MAK) ab salidarnaści z Ukrainaj, sankcyjach suprać Rasii i Biełarusi i statusie spartsmienaŭ z hetych krain. Rada pakul čakaje adkazu ad MAK pra ŭmovy viartańnia rasijskich i biełaruskich spartsmienaŭ.
Azijackija hulni — anałah Alimpijskich hulniaŭ dla krain Azii. Najbližejšyja spabornictvy projduć z 23 vieraśnia pa 8 kastryčnika ŭ kitajskim Chančžou. U asobnych vidach sportu na ich buduć razyhranyja kvoty na letnija Alimpijskija hulni 2024 hoda ŭ Paryžy.
25 studzienia vykankam MAK paviedamiŭ pra namier razhledzieć dopusk rasijan i biełarusaŭ da spabornictvaŭ u niejtralnym statusie i pieraličyŭ šerah umoŭ, naprykład, spartoŭcy nie pavinny vykazvać aktyŭnuju padtrymku vajny Rasii suprać Ukrainy. MAK zaklikaŭ da ŭzmacnieńnia ŭžo dziejučych sankcyj u dačynieńni da Rasii i Biełarusi.
Kamientary