Amierykanskaja hazieta New York Times publikuje spadarožnikavyja zdymki, na jakich vidać, što mohiłki kala bazy PVK «Vahnier» u Krasnadarskim krai za dva apošnija miesiacy razraślisia amal u siem razoŭ. Pa padlikach haziety, ciapier na mohiłkach — 170 mahił.
Hazieta nahadvaje, što tam, vidavočna, chavajuć tolki tych najmitaŭ «Vahniera», cieły jakich nie zabrali rodnyja i blizkija; na apublikavanym u vieraśni videa zasnavalnik PVK «Vahnier» Jaŭhien Pryhožyn, viarbujučy ŭ kałonii źniavolenych, skazaŭ, što tam, kala bazy ŭ Molkina, pachavajuć tych, chto «nie viedaje, dzie choča być pachavanym».
Akramia mahił, New York Times naličyła na adnym ź videa z Pryhožynym la kaplicy kala bazy 21 ścianu-kałumbaryj z 42 nišami kožnaja.
«Što daje padstavy mierkavać, što sotni zahinułych bajcoŭ «Vahniera» albo pachavanyja tam, albo jak minimum tam uviekaviečana ich pamiać. Usie jany byli zabityja va Ukrainie, ci dzieści jašče, niezrazumieła, ale videa ŭ lubym vypadku pakazvaje maštab strat «Vahniera», — piša hazieta.
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju88
Kamientary