Śviet33

Prezidentka Hruzii zapatrabavała ad urada pastrožyć umovy znachodžańnia rasijan u krainie i vyznačycca pa Ukrainie

Prezidentka Hruzii Sałamie Zurabišvili vypuściła zajavu, u jakoj vystupiła suprać adnaŭleńnia avijaznosin z Rasijaj. Taksama jana zaklikała zrabić bolš strohimi ŭmovy znachodžańnia hramadzian Rasii ŭ krainie. Zajava Zurabišvili apublikavanaja na jaje sajcie.

Sałamie Zurabišvili z Uładzimiram Zialenskim padčas vizitu ŭ Kijeŭ u 2021 hodzie. Fota: Ukrainian Presidential Press Office via AP

«Nam nieabchodna raspracavać narmatyŭnyja akty — u pracoŭnym zakanadaŭstvie, pry rehistracyi biznesu, nabyćci ŭłasnaści (rasijanami) abo adkryćci ruskamoŭnych škoł», — zajaviła prezidentka Hruzii.

Jana adznačyła, što raniej užo prasiła ŭrad źviarnuć uvahu na prytok rasijan u Hruziju, kab «hramadstva adčuvała, što jaho nacyjanalnyja intaresy i biaśpieka ŭličvajucca i abaraniajucca».

Sałamie Zurabišvili ŭ svajoj zajavie taksama raskrytykavała ŭrad za niavyznačanuju pazicyju pa Ukrainie.

«U toj čas, kali ŭsie našy krainy-partniory słovam ci spravaj vykazvajuć maksimalnuju salidarnaść z samaaddanaj baraćboj Ukrainy, na maju dumku i na dumku bolšaj častki hruzinskaha hramadstva, pazicyja ŭrada i kiraŭničaj partyi, miakka kažučy, niezrazumiełaja», — zajaviła jana.

Avijaznosiny pamiž Rasijaj i Hruzijaj spynilisia ź leta 2019 hoda pa inicyjatyvie rasijskaha boku. 18 studzienia kiraŭnik MZS Rasii Siarhiej Łaŭroŭ zajaviŭ, što spadziajecca na toje, što avijaznosiny chutka adnoviać. Lidar kiroŭnaj u Hruzii partyi «Hruzinskaja mara — Demakratyčnaja Hruzija» Iraklij Kabachidze vitaŭ hetyja słovy Łaŭrova, za što jaho asudzili ŭ MZS Ukrainy.

Hruzija razam z Armienijaj, Turcyjaj i Kazachstanam stała adnym z kirunkaŭ, kudy paśla pačatku rasijskaha ŭvarvańnia va Ukrainu čaściej za ŭsio źjazdžali rasijanie. U listapadzie 2022 hoda Sałamie Zurabišvili paviedamiła, što za paŭtara miesiaca mabilizacyi, abvieščanaj u Rasii, u krainu pryjechali bolš za 700 tysiač rasijan, ź ich 100 tysiač zastalisia ŭ Hruzii. 

Prezident u Hruzii, choć aficyjna i ličycca kiraŭnikom dziaržavy, na samaj spravie pavodle palityčnaha ŭpłyvu sastupaje premjer-ministru. Funkcyi prezidenta ŭ asnoŭnym pradstaŭničyja i cyrymanijalnyja. Tak stała paśla praviedzienaj u 2012 hodzie kanstytucyjnaj reformy, z dapamohaj jakoj tahačasny prezident Michaił Saakašvili sprabavaŭ praciahnuć svaje ŭładnyja paŭnamoctvy, pierasieŭšy paśla adbytych dvuch prezidenckich terminaŭ u kresła premjera. Adnak paśla ŭniesienych źmienaŭ jamu nie ŭdałosia pieramahčy na parłamienckich vybarach, i ŭładu ŭ krainie atrymała «Hruzinskaja mara», jakaja nie sastupaje jaje dahetul.

Sałamie Zurabišvili, choć u 2018 hodzie i pieramahła na prezidenckich vybarach pry palityčnaj padtrymcy «Hruzinskaj mary», siabram hetaj partyi nie źjaŭlajecca i zajmaje krytyčnuju da ŭrada pazicyju pa mnohich pytańniach, u tym liku i źniešniaj palityki. Sama jana, darečy, pachodzić z hruzinskich emihrantaŭ, naradziłasia ŭ 1952 hodzie ŭ Francyi. Na histaryčnuju radzimu jana viarnułasia tolki ŭ nulavyja hady i zrabiła tut bliskučuju palityčnuju karjeru, jakaja mieła vielmi niezvyčajnyja kulbity. Tak, u 2004-2005 hodzie jana była ministram zamiežnych spraŭ Hruzii, a da hetaha — pasłom Francyi ŭ Hruzii. 

Kamientary3

  • Kula
    20.01.2023
    Vypuskajcie Saakašvilli, chopić ź jaho ździekvacca i ludziam pył u vočy puskać, hazpramaŭcy.
  • Nina
    20.01.2023
    Prorašistsieoje pravitielstvo Hruzii kak i Kazachstan pomohajut raškie obchodiť sankcii, kak ni priskorbno naživajetsia vierchuška a pozor požinajet vsia strana. Hruziju prievratili v amoralnyj sovok hotovyj za babki iz raški, postupaťsia princypami i moralju.
    Čieho stoit otkaz Ukraiinie v postavkie bukov, kotoryje v 2008 im i postaviła Ukraina.
  • Zmahar
    21.01.2023
    Ivan go home!

Ciapier čytajuć

U Branskaj vobłaści most, pa jakim jechała fura, abrynuŭsia na pasažyrski ciahnik. Siem zahinułych2

U Branskaj vobłaści most, pa jakim jechała fura, abrynuŭsia na pasažyrski ciahnik. Siem zahinułych

Usie naviny →
Usie naviny

U DTZ u Ivacevickim rajonie zahinuli dva čałavieki

Hałoŭčanka patłumačyŭ situacyju z dalarami ŭ Biełarusi4

Navukoŭcy zrazumieli, čamu našy viaskovyja babuli žyli daŭžej9

Minčuk chacieŭ pravučyć «chama» ŭ tramvai, ale čamuści ŭdaryŭ kalenam u nos školnicu2

Staŭ viadomy sapraŭdny hod zasnavańnia Mienska. Adkryćcio było vostrasiužetnym navukovym detektyvam45

U Mahilovie pradajuć 10 ton bulby ŭsiaho pa 60 kapiejek za kiło. Što ź joj nie tak?4

U Biełym domie ŭračysta praviali ź dziaržaŭnaj słužby Iłana Maska. Tramp padaryŭ jamu załaty kluč11

Tramp zajaviŭ, što rasčaravany i šakavany dziejańniami Rasii1

Akademikam Rasijskaj akademii navuk abrali «kravasisiu» časoŭ Janukoviča 5

bolš čytanych navin
bolš łajkanych navin

U Branskaj vobłaści most, pa jakim jechała fura, abrynuŭsia na pasažyrski ciahnik. Siem zahinułych2

U Branskaj vobłaści most, pa jakim jechała fura, abrynuŭsia na pasažyrski ciahnik. Siem zahinułych

Hałoŭnaje
Usie naviny →

Zaŭvaha:

 

 

 

 

Zakryć Paviedamić