Padčas akcyi pratestu suprać zdabyčy buraha vuhalu na miescy vysielenaj vioski Lutcerat u niamieckaj ziamli Paŭnočny Rejn-Viestfalija ŭ aŭtorak była zatrymanaja viadomaja šviedskaja ekaaktyvistka Hreta Tunbierh. Pra heta piša hazieta Welt.
Kala 70 klimatyčnych aktyvistaŭ u aŭtorak sabralisia kala karjera buravuhalnaj šachty Harcvajler i byli ačeplenyja palicyjaj. Kali jany rušyli da karjera, palicyja ŭžyła śpiecsrodki.
Tunbierh była ŭ hetaj hrupie demanstrantaŭ. Na fotazdymkach vidać, što paźniej jaje zabrali supracoŭniki palicyi. Fatohraf ahienctva dpa zaŭvažyŭ, što Tunbierh spynili troje palicejskich za 50 mietraŭ, kab pravieści asabisty nadhlad.
Viadomuju na ŭvieś śviet klimatyčnuju aktyvistku bačyli niezadoŭha da hetaha na demanstracyi ŭ abaronu klimatu, jakaja pačałasia ŭ susiedniaj vioscy Kajenbierh. Pa paviedamleńniach palicyi, ludzi adkałolisia ad hetaha pratesnaha šeścia i nakiravalisia da Lutcerata i karjera. Heta i pryviało da sutyknieńniaŭ z palicyjaj.
Situacyja ŭ vioscy Lutcerat abvastryłasia ŭ pačatku miesiaca. Napiaredadni adbyŭsia znos vysielenaj vioski ŭ suviazi z płanami kancerna RWE pašyryć adzin z najbujniejšych buravuhalnych razrezaŭ Hiermanii Harcvajler.
Žychary Lutcerata daŭno ŭžo pakinuli hety były nasieleny punkt, atrymaŭšy kampiensacyi ad kancerna. Zamiest ich tam źjavilisia ekałahičnyja aktyvisty.
Zhodna z pastanovaj sudoŭ niekalkich instancyj, vioska pavinna być całkam vyzvalenaja ad ludziej da kanca studzienia. Adnak ekaaktyvisty, jakija na praciahu studzienia pierakryvali darohi da Lutcerata, barykadavalisia ŭ apuściełych damach i padpalvali aharodžy.
Na hetym tydni palicyja pačała apieracyju pa vypravadžvańni aktyvistaŭ i znosie budynkaŭ. U RWE adznačajuć, što vykarystańnie terytoryi Lutcerata «nieabchodnaje, kab harantavać nadziejnaje zabieśpiačeńnie elektrastancyj palivam u razhar enierhietyčnaha kryzisu».
Kamientary
U nas chutčej płanieta i pryroda skončycca čym "lidary" stran damoviacca škodzić mieńš.
Treba dabivacca vykanańnia svaich patrebavańniaŭ!
Ekałohija usie horš robicca