Hramadstva66

Inha Chruščova: Markaŭ — pychlivy, Azaronak — siekta, biełaruskaja prapahanda strašniejšaja za rasijskuju

Byłaja prapahandystka biełaruskaha telebačańnia Inha Chruščova ŭ intervju «Zvyčajnamu ranku» adkazała, ci patrebnaja lustracyja ŭ Biełarusi, ci hatovaja jana sama adkazać pierad zakonam i jak jana stavicca da ciapierašnich prapahandystaŭ.

Inha Chruščova ciapier žyvie ŭ Bavaryi, zajmajecca vytvorčaściu videa, u tym liku dapamahaje ŭkrainskim błohieram rabić prajekty pra rełakacyju i adaptacyju ŭkrainskich uciekačoŭ u Niamieččynie.

Da 2013 hoda jana sama pracavała na telebačańni, była simvałam prapahandy.

Na pytańnie, ci adčuvaje jana niejkuju adkaznaść za toje, da čaho ŭsio pryjšło, jana adkazvaje, što, «napeŭna, tak».

«Tamu što ja nie ŭ čas syšła. Mnie chaciełasia syści raniej, ale niekatoryja abaviazacielstvy pa spartyŭnych prajektach źviazvali mianie. Pa kožnym asobnym epizodzie, kali ŭ ludziej uźniknuć pytańni, ja hatovaja adkazać. Kali nastupić čas nie kalektyŭnaj adkaznaści, a adkaznaści kožnaha, u kožnym kankretnym epizodzie možna raźbiracca, kali na toje budzie žadańnie ludziej».

Jana havoryć, što nie razumieje byłych kalehaŭ, jakija sychodzili ŭ žniŭni 2020-ha. «Ale heta ich vybar, heta ich šlach, i ja nie mahu kidać u ich kamiani i kazać, čamu ty raniej nie syšoŭ. U kožnaha, napeŭna, prachodzić niejkaja ŭnutranaja razmova z saboj, kab pryniać takoje rašeńnie, u kožnaha svaja miaža».

Chruščova raspaviadaje, što syšła z telebačańnia «pa maralnych pryčynach».

«Ja pierastała znachodzić dla siabie niejkuju matyvacyju, apraŭdańni, i ja nie razumieła taho miechanizma, jaki pačaŭ pracavać u hetaj sistemie, našy darohi prosta razyšlisia. Ja pajšła ŭ nikudy, i heta byŭ moj vybar. Mianie nichto nie vyhaniaŭ».

Chruščova kaža, što nie pabaicca ŭ budučyni viarnucca ŭ demakratyčnuju Biełaruś, niahledziačy na pahrozu lustracyi. Jana ličyć, što lustracyja patrebnaja.

Na jaje dumku, kali Biełaruś choča stać demakratyčnaj krainaj, to joj treba vyvučyć vopyt Hiermanii ŭ hetym pytańni. «Na žal, u tatalitarnaj sistemie atrymlivajecca, što ŭsie pracujuć na hetuju dziaržavu. Mabyć, tut treba razhladać kožnuju spravu paasobku i nie rabić ahulnych vysnoŭ. Kali čałaviek saŭdzielničaŭ u złačynstvach suprać Ukrainy, suprać biełarusaŭ, jakija vychodzili ŭ dvaccatym hodzie, jon pavinien nieści adkaznaść pavodle zakona, pavodle taho zakona, jaki pryniaty ŭ demakratyčnych dziaržavach».

Na pytańnie, što strašniej, rasijskaja prapahanda abo biełaruskaja, Chruščova adkazvaje, što biełaruskaja.

Jana razvažaje, što ŭ rasijskich prapahandystaŭ jość resursy, jość za što stajać, rasijskija prapahandysty — ludzi niabiednyja.

«Za što pracujuć biełaruskija prapahandysty, ja nie viedaju. I ja nie viedaju, što treba sabie havaryć, kab tam pracavać».

Jana kaža, što nie sočyć ni za rasijskaj, ni za biełaruskaj prapahandaj — bieraže niervovuju sistemu.

Pra Markava, jaki staŭ znakavaj fihuraj na telebačańni, skazała, što «heta vielmi pychlivy čałaviek».

«Jon kaliści pačynaŭ pracu śledčym, pa-mojmu, u siłavych strukturach. I pa svaim mientalitecie jon takim i zastaŭsia. Jakim vietram jaho vydźmuła na telebačańnie, ja nie viedaju, heta mižkłanavyja pytańni tady byli. Ale hety čałaviek i žurnalistyka iduć paralelnymi šlachami», — kaža jana.

Pra Ryhora Azaronka, jakoha jana nie hladzić, ale časam čytaje, znajšła tolki takoje vyznačeńnie: «Heta niejkaja siekta».

Kamientary6

  • Džym Džons
    09.01.2023
    Dla kožnaj siekty budzie svoj Džonstaŭn.
  • Łuchta ža
    09.01.2023
    Kopija nia moža być strašniejšaj za aryhinał. Da taho ž, biełaruskuju prapahandu nichto nie hladzić. Masava vyniščaje hłuzdy mienavita maskoŭščyna: televizar, internet, telehram-kanały i h.d. 
  • daviedka
    09.01.2023
    Markov zanimałsia idieołohijej  v Administracii priezidienta, hłava kotoroj Makiej chotieł jeho dažie uvoliť...
    V itohie spłavili jeho na kurirovavšiejesia im do etoho BT, otkuda pozžie pierievieli rukovodiť ONT.

Aryštavany dyrektar Pałaca Respubliki, adzin z arhanizataraŭ Marafona adzinstva6

Aryštavany dyrektar Pałaca Respubliki, adzin z arhanizataraŭ Marafona adzinstva

Usie naviny →
Usie naviny

Amierykanski avijabłohier: Litaralna kožny biełarus, z kim ja razmaŭlaŭ pra palityku, kazaŭ, što Łukašenka — absalutny varjat20

Alenu Bohdan viarnuli z Rasii i pastavili na raniejšuju top-pasadu ŭ Minzdaroŭja3

Dva dni śpioki, a potym krychu pachaładaje

«Heta paklop!» Miełanija Tramp źbirajecca ŭ sud suprać Chantera Bajdena ź iskam na $1 młrd

Samuju darahuju kvateru ŭ Minsku ŭ lipieni pradali za 630 tysiač dalaraŭ

Hrozieŭ raskazaŭ, što adroźnivaje zachodnija śpiecsłužby ad rasijskich7

U Rastovie-na-Donie adbyŭsia vybuch. U žyły dom moh trapić dron

«My pavinny być hatovyja»: Naŭsieda zajaviŭ pra mahčymaść udziełu Litvy ŭ abaronie Ukrainy9

U EHU možna pastupić u mahistraturu na pierśpiektyŭnuju jeŭrapiejskuju śpiecyjalnaść. Raskazvajem jak

bolš čytanych navin
bolš łajkanych navin

Aryštavany dyrektar Pałaca Respubliki, adzin z arhanizataraŭ Marafona adzinstva6

Aryštavany dyrektar Pałaca Respubliki, adzin z arhanizataraŭ Marafona adzinstva

Hałoŭnaje
Usie naviny →

Zaŭvaha:

 

 

 

 

Zakryć Paviedamić