Biznesoŭca i fatohrafa Ivana Muraŭjova asudzili da 2,5 hadoŭ pazbaŭleńnia voli ŭ kałonii ahulnaha režymu, paviedamlaje Biełaruskaja asacyjacyja žurnalistaŭ.
Ivan Muraŭjoŭ — žurnalist, apieratar, fatohraf, ruchavik kaljannaj kultury Minska i ŭłaśnik znakamitaj «Kaljannaj №1».
Upieršyniu jaho zatrymali ŭ žniŭni 2020 hoda.
1 vieraśnia 2022 hoda supracoŭniki Śledčaha kamiteta pryjšli ŭ «Kaljannuju №1», kiraŭnikom jakoj Muraŭjoŭ źjaŭlajecca. Abvinavačvańnie: č. 3 art. 361-1 Kryminalnaha kodeksa — udzieł u ekstremisckim farmiravańni.
Sudzili Muraŭjova ŭ Minharsudzie. Spravu razhladała sudździa Alena Šylko.
Jak udakładnili słužbie manitorynhu BAŽ znajomyja Muraŭjova, sprava fihuranta zaniała ŭsiaho dva tamy z adnym «złačynnym» epizodam.
Majucca na ŭvazie jaho videazdymki dla rasśledavańnia žurnalista Stasia Ivaškieviča, jakoje vyjšła na telekanale «Biełsat». Siužet pad nazvaj «Siabroŭka Lilii Łukašenka i aliharchi stali bienieficyjarami spravy artapiedaŭ» źjaviłasia sioleta ŭ lipieni.
Stała viadoma, za što asudzili Ivana Muraŭjova
-
Hrodzienski fatohraf pradavaŭ fotasiesii, ale nie rabiŭ ich, a prajhravaŭ usie hrošy ŭ anłajn-kazino. Jon raskazaŭ, jak usio adbyvałasia
-
Łukašenka: Da kanca hetaha hoda my pavinny mieć svaje bojeprypasy da artyleryjskich sistem
-
Urad Cichanoŭskaj pryniaŭ pastanovu «Ab biełaruskim partyzanska-supraciŭnym ruchu»
Kamientary