«Raspusnyja ruki anhłasaksaŭ». Miadźviedzieŭ piarečyć Pucinu: pieramovy z Ukrainaj biessensoŭnyja
Były prezident Rasii Dźmitryj Miadźviedzieŭ, jaki z pačatkam vajny pieratvaryŭsia ŭ adnaho z samych vajaŭničych rasijskich «jastrabaŭ» na pasadzie namieśnika staršyni Rady biaśpieki, napisaŭ va ŭradavaj «Rasijskaj haziecie» vialiki artykuł, u jakim vykazaŭ svajo mierkavańnie pra situacyju va Ukrainie i ŭ śviecie ŭ cełym.
Asnoŭny pasył artykuła Miadźviedzieva natchniony antyhłabalisckimi pramovami Uładzimira Pucina — havorka idzie pra novy śvietaparadak, jaki zakranuŭ usio, «ad rasstanoŭki hłabalnych «centraŭ siły» da paŭsiadzionnaha ładu žyćcia mnostva ludziej».
Uvieś astatni artykuł amal va ŭsim paŭtaraje pucinskija tezisy.
Tak, Miadźviedzieŭ śćviardžaje, što Rasija pačała vajnu va Ukrainie tamu, što jaje ŭłady nibyta adčuli pahrozu biaśpiecy i suvierenitetu Rasii. Uvarvańnie va Ukrainu 24 lutaha jon nazyvaje «vymušanym krokam». Takija rečy rehularna kaža Pucin, śćviardžajučy, što napad Rasii na Ukrainu zaklikany byŭ spynić nibyta raspačatuju suprać RF vajnu.
Pry hetym Miadźviedzieŭ prykmietna razychodzicca z Pucinym u tym, što datyčyć pieramovaŭ z Ukrainaj.
Kali ciapierašni rasijski prezident tolki zaraz zajaviŭ, što Rasija hatovaja «vieści pieramovy z usimi zacikaŭlenymi bakami ab prymalnych rašeńniach», to Miadźviedzieŭ całkam adchilaje lubuju mahčymaść pieramovaŭ z ukrainskimi ŭładami.
«Lubyja pieramovy ź ciapierašnim, maryjanietačnym ukrainskim kiraŭnictvam stali absalutna biessensoŭnyja jašče letaś», — kaža Dźmitryj Miadźviedzieŭ.
Pa słovach byłoha rasijskaha prezidenta, Maskva prykładzie ŭsie siły da taho, kab usie mety «śpiecyjalnaj vajennaj apieracyi» byli vykanany.
Miadźviedzieŭ pieraličvaje hetyja mety: heta abarona suajčyńnikaŭ na novych terytoryjach, jakija paśla praviedzienych u ich refierendumaŭ uvajšli ŭ skład Rasii; denacyfikacyja ahidnaha, amal fašysckaha režymu Ukrainy; poŭnaja demilitaryzacyja ŭkrainskaj dziaržavy; harantyi ad ahresii ŭ budučyni.
Narešcie, jak i Pucin, Miadźviedzieŭ źviartajecca da temy rasijskaha jadziernaha arsienała i hatoŭnaści Maskvy jaho ŭžyć.
«Adzinaje, što siońnia spyniaje našych vorahaŭ, — heta razumieńnie, što Rasija budzie kiravacca asnovami dziaržaŭnaj palityki RF u halinie jadziernaha strymlivańnia. I ŭ vypadku, kali paŭstanie realnaja pahroza, budzie dziejničać pa im. Biada ŭ tym, što ŭ takim vypadku nichto paśla nie raźbiarecca, što heta było — udar u adkaz abo previentyŭny», — papiaredžvaje Dźmitryj Miadźviedzieŭ.
Pavodle jaho śćviardžeńnia, Zachad izaluje siabie ad usiaho astatniaha śvietu, adnačasova sprabujučy źniščyć Rasiju. Ale heta nie atrymajecca, ličyć namieśnik kiraŭnika Savieta biaśpieki.
«Raspusnyja ruki anhłasaksaŭ i inšych krain, što «prysiahnuli ciemry», byli karotkija navat u samyja ciažkija dla nas časy. Nie vyjdzie i ciapier», — miarkuje Dźmitryj Miadźviedzieŭ.
«Siońnia zachodnija krainy znoŭ zaklikajuć pamnožyć na nul našu krainu. Što ž, chaj natužlivyja krykuny achrypnuć, pakul nie nakłali ŭ svaje štany», — zaklučaje Miadźviedzieŭ.
Ciapier čytajuć
Siłaviki śćviardžajuć, što zatrymali dvuch mužčyn za hałasavańnie na vybarach u KR. Ale ci možna hetamu vieryć?11
Kamientary